Овој Фејсбук пост е доказ дека времето ги демантира дезинформациите
Рецезираме пост на Фејсбук кој е доказ за тоа како времето демантира една дезинформација која е составена за да спречи што повеќе луѓе да се имунизираат против Ковид-19. На видеото кое е објавено во месец јули се тврди дека италијански „политичар“ информирал своја пријателка дека во октомври ќе се укине процесот на вакцинација. Сега сме ноември и вакцинацијата против коронавирусот тече непречено, пишува Порталб.мк.
На Фејсбук страната ,,Идеалисти” авторот тврди дека има една многу „добра“ вест и своите следбеници ги дезинформира за вакцините против корона вирусот и за таа цел објавил видео снимка која што можел да ја направи било кој.
„Во октомври 2021 година ќе се укине присилната вакцинација. Лицето кое што зборува во оваа видео е италијански политичар кој е во центарот на валканите работи и кој на една своја пријателка и вели да издржи до октомври бидејќи ЕУ (релевантната медицинска установа) конечно ќе ја укине задолжителната вакцинацијата”, пишува во постот што го рецензираме.
Времето докажа дека ова тврдење воопшто не е точно, додека пак видеото што е објавено е монтажа составена од лица организирани за ширење на дезинформации за се што има врска со пандемијата со коронавирусот. Освен тоа, вакцинацијата е задолжителна во многу мал број на земји и нагласуваме дека Светската Здравствена Организација не ја подржува задолжителната вакцинација, туку апелира до владите да ги мобилизираат своите граѓани за вакцинација на разни начини.
До сега, најстроги рестриктивни мерки за невакцинираните има во Саудиска Арабија и Италија.
Во продолежение во овој пост пишува дека од месец октомври, кој веќе помина, од вирусот корона луѓето ќе се излекуваат како што, според него, се излекувале ВИП личностите.
Ќе дозволат ефективни лекови против Ковид… оние лекови со кои ВИП личностите на светот се излекуваа за 3 дена. Им верувам на овие информации бидејќи сум ги слушнал и од други извори, се вели меѓу другото во постот што го рецензираме.
До денес во светот нема некоја унифицирана и посебна метода за лекување на ковид-19, меѓутоа одобрени се три лекови со кои може да се лекува овој вирус, и кои на тестирањата се покажале како сигурни, ефикасни и ефективни:
• Regkirona (regdanvimab)
• Reonapreve (casirivimab / imdevimab)
• Veklury (remdesivir)
Мораме да нагласиме дека овие лекови за Ковид-19 се одобрени за употреба од институциите на Европската Унија, но ниту еден од нив не смее да се користи без претходна консултација со лекар.
Бидејќи сè уште не постои специфичен и унифициран начин за лекување на коронавирусот, лекарите се тие кои одлучуваат за начинот на лекување на пациентите врз основа на нивната клиничка слика, а ВИП личностите не примаат никаков посебен лек за Ковид-19 и за жал многу уметници ги загубија животите како последица на инфекцијата со корона вирусот.
Авторот на оваа дезинформација која тој ја темели врз едно видео, процесот на вакцинација против Ковид-19 го нарекува безобразлук и злосторство затоа што, според него, веќе постоел лек против овој вирус, но никогаш не бил достапен за јавноста.
П.С: Не знам како да го оправдам нивниот безобразлук и криминал во овие 20 месеци терор со присилна вакцинација на народот – кога постојат лековите и за кои толку долго зборувам (основајќи се на бистрите умови на науката). Се прашував: Зошто вршат толкав притисок за да заврши вакцинацијата до септември?! прашува авторот на ова дезинформација.
Единствениот ефикасен и безбеден начин да се спречи тешката форма на Ковид-19 во моментов се вакцините, не е точно дека „има лек“ кој се чувал во тајност сите овие месеци и ова е само уште една теорија на заговор.
Повикот нема за цел да врши притисок, туку да мобилизира за што побрз излез од оваа ситуација.
Лицата кои се за задолжителна вакцинација – барем за одредени групи на населението, велат дека тоа би било оправдана интервенција во слободата и автономијата на народот, поради тоа што Ковид-19 е сериозна и смртоносна болест. До денес со вирусот се заразени повеќе од 250 милиони луѓе ширум светот и починале околу 5 милиони луѓе, додека пак мерките за спречување на ширењето на вирусот уништија многу животи, оставајќи ги луѓето гладни и во разни конфликти.
Дејвид Кол и Даниел Мак од Американската Унија на слободите, изјавија дека вакцинацијата против Ковид-19 се докажала како безбедна и ефикасна, а во моментов не постои друг ефикасен начин за заштита на јавното здравје.
Задолжителната вакцинација не ги загрозува, туку напротив, таа ги продлабочува нашите граѓански слободи. Тие ги штитат оние кои се позагрозени од нас, вклучително и лицата со попреченост и ослабен имунолошки систем, децата и другите групи на населението кои се најпогодени од оваа болест, изјавија Кол и Мак за Њујорк Тајмс во септември.
Светската Здравствена Организација не ја подржува задолжителната вакцинација, туку апелира до владите да ги мобилизираат своите граѓани за вакцинација на разни начини.
Во ова време задолжителната вакцинација би била контрапродуктивна! Кога на луѓето им се нуди она што сега го нарекуваме теории на заговор, кај нив се буди недоверба и недоразбирања. Овие мерки само ќе ги зајакнат овие убедувања, рече Дики Будиман, индонезиски епидемиолог од СЗО.
Затоа СЗО вели дека задолжителната вакцинација може да се земе предвид само кога владите веќе вложиле максимални напори да ги решат дилемите на оние кои одбиваат да се вакцинираат и да анализираат дали нивното невакцинирање би го загрозило здравјето на другите.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар