Плаќањата од трезорот на САД немале назначен код, што не значи дека се украдени

Од Екипа на Вистиномер On Feb 27, 2025 0

Фото: MINISTÉRIO DAS COMUNICAÇÕES - 20/05/2022 Conectividade e Proteção da Amazônia com Elon Musk, CC BY 2.0, Link

Оригиналните текстови од коишто е вршен преводот на македонски јазик покажуваат дека не се работи за кражба на пари, туку за нешто сосема друго. Одделот за владина ефикасност, (DOGE) во понеделникот извести дека плаќања во износ од 4,7 трилиони долари од трезорот немале назначено на себе код за следење. Но тоа не значи дека овие финансиски средства се „украдени“, како што се тврди во објавата

Оригиналните текстови од коишто е вршен преводот на македонски јазик покажуваат дека не се работи за кражба на пари, туку за нешто сосема друго. Одделот за владина ефикасност, (DOGE) во понеделникот извести дека плаќања во износ од 4,7 трилиони долари од трезорот немале назначено на себе код за следење. Но, тоа не значи дека овие финансиски средства се „украдени“, како што се тврди во објавата

Рецензираме објава на социјалната мрежа Threads во која пишува:

Во Америка се крадело повеќе отколку кај нас: Маск откри дека 4,7 трилиони долари од Министерството за финансии отишле некаде, кадешто никој досега не знае

Кога ќе се видат оригиналните текстови од коишто е вршен преводот на македонски јазик, станува јасно дека не се работи за кражба на пари туку за нешто сосема друго, наспроти изнесеното во објавата што ја рецензираме. Имено Одделот за владина ефикасност, (DOGE) во понеделникот извести дека плаќања во износ од 4,7 трилиони долари од трезорот немале назначено на себе код за следење, што ги направило „речиси невозможни за следење“. Тоа не значи дека се украдени, ниту пак, дека „се крадело повеќе отколку во Македонија“. Нема никакви параметри врз основа на кои се врши споредбата за „поголемото крадење“ односно не е јасно со што се споредуваат овие 4,7 трилиони долари (кои секако, нема докази дека се украдени).

Она што се случило со овие плаќања, според светските медиуми, е дека им недостигал таканаречениот Treasury Account Symbol (TAS) – идентификациски код што го поврзува трезорското плаќање со ставка во буџетот. Одделот за владина ефикасност го опишува назначувањето на ваков код како „стандарден финансиски процес“.

Во федералната влада, ТАС кодот беше опционален за приближно 4,7 трилиони долари во плаќања и често беше оставан непополнет, што правеше следливоста на парите да е речиси невозможна. Од саботата ова поле е задолжително, што го зголемува нашиот увид за тоа каде одат парите, напишаа од Одделот за владина ефикасност на платформата Икс.

Според Илон Маск, оваа промена е „голем напредок за интегритетот на трезорските плаќања“.

Поради сите горенаведени факти објавата што ја рецензираме ја оценуваме како делумна невистина. Точно е дека за плаќања од 4,7 трилиони долари немало код, но не е точно дека овие финансиски средства се „украдени“.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар