Прекинот на електрична енергија во Шпанија ги „разбуди“ теоретичарите на заговори
Објавата изобилува со теории на заговор меѓу нив и онаа дека хемиските траги што често се гледаат на небото се „дел од координиран обид за манипулирање со енергетските системи на Шпанија и Португалија“. До датумот на пишувањето на оваа рецензија (30.04.2025) не беа познати причините за недостигот на електрична енергија во Шпанија, но тие се испитуваат. Една од информациите е дека големиот прекин на електроснабдувањето бил предизвикан од ненадејна загуба на 15 гигавати електрична енергија во шпанската мрежа во рок од само пет секунди
Објавата изобилува со теории на заговор меѓу нив и онаа дека хемиските траги што често се гледаат на небото се „дел од координиран обид за манипулирање со енергетските системи на Шпанија и Португалија“. До датумот на пишувањето на оваа рецензија (30.04.2025) не беа познати причините за недостигот на електрична енергија во Шпанија, но тие се испитуваат. Една од информациите е дека големиот прекин на електроснабдувањето бил предизвикан од ненадејна загуба на 15 гигавати електрична енергија во шпанската мрежа во рок од само пет секунди
Рецензираме објава на социјалната мрежа Фејсбук во која пишува:
Значи, решението за сатанистите кои што секојдневно геноцидно не’ трујат преку храна, вода, воздух, со лажни вакцини, со зрачење на 5Г-антени и прават општ хаос е следното; Треба јавно да се објават нивните адреси на живеење и локацијата на нивните подземни скривалишта, потоа народот, секој во својата држава, да тргне по нивните глави и да ги обеси за јајца – се до нивно заминување од овој свет. Што се однесува до нивните подземни скривалишта, таму треба да им се пуштат истите оние отрови со кои што тие го трујат цел свет преку авиони, па така, како отруени пацови да ја напуштат оваа димензија на постоење. За сето тоа да се случи треба освестен револуционерен народ, а не филозофи и лигави плашливи педерчиња. (Каква брада, таков брич).
Во склоп на објавата се споделува видео на кое пишува дека во најголемиот дел на Барселона и на Шпанија имало недостиг на електрична енергија. Објавата што ја рецензираме изобилува со теории на заговор и невистини. До датумот на пишувањето на оваа рецензија (30.04.2025) не беа познати причините за недостигот на електрична енергија во Шпанија, но тие се испитуваат. Премиерот на Шпанија Педро Санчез изјави дека ниедна хипотеза не е исклучена и дека ќе ја открие причината за масовното „затемнување“ што се случи во понеделникот.
Еден од најголемите прекини на електричната енергија во Европа предизвика приземјување на летови, парализирање на железничкиот сообраќај, прекин на мобилните комуникации и затворање на банкоматите низ Пиринејскиот Полуостров. Една од информациите е дека големиот прекин на електроснабдувањето што го парализираше Пиринејскиот Полуостров бил предизвикан од ненадејна загуба на 15 гигавати електрична енергија во шпанската мрежа во рок од само пет секунди, што доведе до дефект во меѓусекторската врска меѓу електропреносните мрежи на Шпанија и Франција. Светските медиуми детектираа дека недостигот на струја во Шпанија ги „разбуди“ теоретичарите на заговори со бројни теории. Меѓу нив и таа што ја има во објавата што ја рецензираме – дека хемиските траги што често се гледаат на небото се „дел од координиран обид за манипулирање со енергетските системи на Шпанија и Португалија“.
Во објавата невистинито се тврди дека „сатанисти живеат во подземни скривалишта и го трујат народот со отрови преку авиони“. Наводното „запрашување од небото со боеви отрови не постои. Неверојатната теорија на заговор, беше дури и дебанкирана преку извештај од група од 77 научници, кои ги прегледаа наводните докази за тоа дека некои авиони нè прскаат со хемиски супстанции. Од тие 77 научници, 76 изјавија дека не нашле докази за „тајна атмосферска програма од големи размери“. Белите траги од авионите не значат дека населението го прскаат со отрови од воздух. Оваа теорија на заговор е позната како „кемтрејлс“ и е стара повеќе од две децении.
Ваквата невистинита и заснована на дезинформации теорија, го претставува верувањето дека вообичаените траги од кондензација што ги создаваат авионите во воздухот се „хемиски патеки“, составени од хемиски или биолошки агенси за „злобни цели“. 5Г мрежата, пак, воопшто не е поврзана со заболувања. Како што „Вистиномер“ во повеќе наврати пишуваше, вакцините не се отрови и не се насочени против човековото здравје туку напротив, за негово зачувување.
Не постојат докази дека постои „координирана група сатанисти што секојдневно ги трујат луѓето преку храна вода, воздух и со лажни вакцини“. Вакцините не се лажни туку имаат точно определен и јавно познат состав којшто доаѓа во упатствата за користење во секоја држава во светот. Целиот свет се вакцинира со истите вакцини. Тие вакцини се испитани, одобрени, проверувани од медицинските агенции за контрола на квалитетот, имаат сертификати од независни лаборатории.
Нема ниту „подземни скривалишта“ во кои живеат сатанисти што се насочени кон дејствија за уништување на човештвото.
Поради сите горенаведени факти објавата што ја рецензираме ја оценуваме како невистина.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар