Публикација на Метаморфозис: На правосудството му е потребна финансиска „бустер“ доза

Фото: Википедија

Во издание на Фондацијата Метаморофозис е објавен извештај за дел од реформските процеси во РСМ во однос на ЕУ аспирациите, кој се однесува на моменталните реформски перформанси во секторот правосудство, дел од кластерите што ги оценува ЕУ за исполнување на условите за преговори за членство.

Во издание на Фондацијата Метаморофозис е објавен извештај за дел од реформските процеси во РСМ во однос на ЕУ аспирациите, кој се однесува на моменталните реформски перформанси во секторот правосудство, дел од кластерите што ги оценува ЕУ за исполнување на условите за преговори за членство.

Во документот насловен „На правосудството му е потребна финансиска „бустер“ доза“ опфатени се неколку сегменти по кои се оценува правосудството, како што се независноста на судската власт, транспарентноста и ефикансоста на Јавното обвинителство и на Судството, ефикасноста, дигитализацијата и  буџетирањето.

Токму буџетирањето, според оценка на експертите од фокус групата и врз основа на наодите во Извештајот, е тој клучен елемент на кој треба да му се посвети внимание во тековната година и во следниот период генерално.

„Буџетирањето, било на целото правосудство или посебно на судовите и обвинителствата е се уште далеку од законски загарантираните суми, иако постои сосема мал напредок во буџетите за 2021 и за 2022 година. Генерално, за сите сегменти од правосудството државата одвојува околу 55 милиони евра на годишно ниво, иако само судството има потреба од над 90-тина милиони евра, според законската стапка за буџетирање од 0,8 отсто од БДП. Според буџетските проекции за 2022, севкупната сума би била околу 61 милиони евра. Но, потребите се огромни и требаат многу повеќе пари и во судството и во обвинителството, секако и во другите области од правосудството“, се наведува во резимето на Извештајот.

Документот е резултaт на истражување спроведено во рамките на проектот „Промовирање на отчетноста и транспарентноста на јавните реформи“, кој го спроведува Фондацијата за интернет и општество „Метаморфозис“ од Скопје, со поддршка на Националната фондација за демократија од САД. Проектот се спроведува во текот на 2021 и 2022 година.

Ова е втор извештај во рамките на проектот. Претходниот беше објавен во октомври 2021 година и се однесуваше на реформите медиумскиот сектор: „Реформи на половина пат – политичката волја час ја има, час ја нема“.

 

 


Овој напис е изработен во рамките на проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

 

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Оставете реакција