Реконструиран е локалниот пат Кадино – Автопат А4 во Општина Илинден
Проект: Реконструкција на локален пат Кадино – Автопат А4
[ИЗВОР: Изборна програма на Жика Стојановски за локалните избори 2017 година – „Нова ера за Илинден“ (стр.17), датум: октомври 2017]
ОБРАЗЛОЖЕНИЕ:
Во кампањата за локалните избори (октомври 2017 година), градоначалникот на Општина Илинден, Жика Стојановски како кандидат на ВМРО-ДПМНЕ за челната функција во Општината, меѓу другото, вети и реконструкција на локалниот пат Кадино – Автопат А4. Ова ветување на Стојановски, дадено во неговата изборна програма „Нова ера за Илинден“ (стр.17), во делот каде се говори за подобрување на патната инфраструктура, е исполнето.
Реконструкцијата на локалниот пат Кадино – Автопат А4 е направена во текот на летото (јули 2019), а информација и фотографии се објавени во дел од медиумите и во општинскиот весник „Илинден“.
Делницата е долга 1.600 метри, а според објавените информации, покрај поставувањето нов асфалт направена е и реконструкција на два моста, изградба на тротоари, како и изградба на отворени одводни канали за зафаќање и одведување на атмосферските води. Проектот е реализиран во соработка со Министерството за финансии во рамките на Проектот за подобрување на општинските услуги кој е финансиран со заем од Светска банка. Вредноста на проектот изнесува приближно 30 милиони денари.
Рехабилитацијата и реконструкцијата на овој локален пат е од големо значење за локалналната самоуправа бидејќи претставува влез во Општина Илинден и главна врска со автопатот А4, коридор Скопје-Атина и поврзување со регионалниот пат Р-103.
ИЗВОРИ:
- Мојот избор: Изборна програма на Жика Стојановски за локалните избори 2017 година – „Нова ера за Илинден“ (стр.17) [Пристапено на 01. 10..2019]
- МКД (11.11.2017) : Рехабилитација на локалниот пат Кадино-клучка Автопат А-4 [Пристапено на 01. 10..2019]
- Вечер (07.07.2019): Се подобруваат локалните патишта [Пристапено на 01. 10..2019]
- Курир (05.07.2019): Општина Илинден континуирано ја подобрува локалната патна инфраструктура- се градат патишта, улици, мостови, пешачки и велосипедски патеки [Пристапено на 01. 10..2019]
- Веб-страница на Општина Илинден (05.07.2017): Подобрување на локалната патна инфраструктура [Пристапено на 01. 10.2019]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
