Се отстрануваат столбовите на велосипедската патека во Тетово
Градоначалниот на Општина Тетово, Биљал Касами во програмата „100 дена Општина Тетово“, која ја објави во јавноста на 16 ноември на прес-конференција, но и на официјалната Фејсбук страница на Општина Тетово, вети дека ќе ги острани столбовите долж булеварот „Илинденска“, со кои е обележана велосипедската патека. Реализацијата на ова негово ветување е во тек
Ветување: Отстранување на столбови (сигнализација) за велосипедска патека
[Извор:Официјална Фејсбук страница на Општина Тетово (точка број 7), датум: ноември 2021]
ОБРАЗЛОЖЕНИЕ:
Градоначалниот на Општина Тетово, Биљал Касами во програмата „100 дена Општина Тетово“, која ја објави во јавноста на 16 ноември на прес-конференција, но и на официјалната Фејсбук страница на Општина Тетово, вети дека ќе ги острани столбовите долж булеварот „Илинденска“, со кои е обележана велосипедската патека. Реализацијата на ова негово ветување е во тек.
На 17 ноември екипи на терен започнаа да ги острануваат столпчињата, а Касами пред медиумите изјави:
Во 100-дневниот план што го презентиравме пред пошироката јавност, е и отстранувањето на столпчињата на велосипедската патека, бидејќи тие се поставени спротивно на законот. За отстранувањето на столбчињата имаше донесено и решение од судот дека се незаконски, а ние тоа решение треба да го спроведеме.
Столпчињата долж булеварот „Илинденска“ во Тетово беа поставени во април годинава. Тие го одвојуваа коловозот каде на едната страна се движеа возилата, а мал дел од десната страна од сообраќајницата ја користеа велосипедистите.
За неа имаше реакции на социјалните мрежи дека е небезбедна, тесна, на некои места и не е проодна затоа што имаше поставено контејнери, а често патеката ја имаа узурпирано и паркирани возила.
Со оглед на тоа што деновиве се работи на терен и столпчињата на оваа патека се острануваат, ова ветување на градоначалникот Касами има оценка „во тек“.
ИЗВОРИ:
- Програма „100 дена Општина Тетово“ [Проверено на 19.10.2021]
- 17.11.2021 – Официјална Фејсбук страница на Општина Тетово [Проверено на 19.10.2021]
Оцени: Зоран Димовски
Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар