Славчо Чадиев
Славчо Чадиев е градоначалник на Општина Велес.
ПРИВАТЕН ЖИВОТ
Славчо Чадиев е роден 1959 година во Велес, Република Македонија.
Оженет и татко на две деца. Сопругата Весна Чадиева е доктор по патолошка анатомија, вработена во ЈЗУ Општа болница во Велес. Ќерката Билјана е доктор по општа медицина, а синот Александар е средношколец.
Негово хоби e риболовот. Голем љубител на спортот со посебен акцент на карате вештината со која претходно се занимавал.
ОБРАЗОВАНИЕ
Основно и средно училиште завршува во својот роден град Велес. Дипломирал на Дефектолошкиот факултет во Белград. Магистерски студии завршил на Институтот за Дефектологија при Филозофскиот Факултет на Универзитетот „Свети Кирил и Методиј“, Скопје и ја носи титулата: Магистер – сурдолог.
Зборува англиски јазик.
КАРИЕРА
До изборот за градоначалник на Велес бил вработен во „ЈЗУ Општа болница“ Велес, ОРЛ одделение.
Потпретседател е на Сојузот на дефектолози на Македонија, долгогодишен соработник на Сојузот на глуви и наглуви на Република Македонија, како и на Заводот за глуви лица – „Kочо Рацин” од Битола. Исто така е активен и во подружниците на Сојузот на глуви и наглуви и Сојузот на слепи лица во Велес.
Негова животна определба е кршење на бариерите и актуелизирање на третманот на лицата со пречки во развојот како и нивно интегрирање во системот.
Голем придонес има во создавањето и афирмирањето на извидништвото во Велес.
ПОЛИТИЧКА КАРИЕРА
Член е на ВМРО ДПМНЕ од 1990 година и претседател на Општинскиот комитет на ВМРО ДПМНЕ во Велес. Носител е на советничка листа на локалните избори 2005 и 2009 година, и претседател на Советот на Општина Велес до локалните избори во 2013, кога е избран за градоначалник на Општина Велес.
ИЗВОРИ
Веб-сајт на Општина Велес – Градоначалник на Општина Велес, М-р Славчо Чадиев
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар