Театарот во Велес наместо 10,5 чинеше 12 милиони евра

Од Оливера Војновска 0
Велешкиот театар се градеше повеќе од шест години Фото: Принтскрин Влада на РМ

ПРОЕКТ: ИЗГРАДБА НА ТЕАТАР ВО ВЕЛЕС

 Изградбата на театарот во Велес е во завршна фаза и ќе биде промовиран во првата половина на оваа година. Со изградбата на новиот театар, Велес – градот на првото училиште на македонски јазик, првата гимназија, првиот музеј, првиот театар, првото музичко училиште во Македонија – ќе добие современа театарска зграда опремена според сите светски стандарди во која ќе се презентираат продукциите на овој, но и на другите театри од Репу- блика Македонија и од странство. (Буџет: 269.000.000 денари за дозавршување, вкупно 650 милиони денари РОК: ПРВА ПОЛОВИНА ОД 2014 година)

ОБРАЗЛОЖЕНИЕ:

Новиот театар во Велес „Јордан Хаџи Константинов-Џинот“ е изграден и пуштен во употреба во јуни 2014 година.  Ова е исполнето ветување на ВМРО-ДПМНЕ дадено во изборната програма  „Проверено“ (2014-2018) во делот „Поквалитетен живот за сите (Култура и уметност  стр.321). Неговата изградба (според тогашниот премиер Никола Груевски) чинеше околу 12 милиони евра, што е за 1,5 милиони евра повеќе од вкупната сума наведена во програмата „Проверено“ – 650 милиони денари (10,5 милиони евра).

На 26 јуни 2014 година Груевски и министерката за култура Елизабета Канческа – Милевска, официјално го отворија новиот објект на велешкиот театар.  Груевски во оваа пригодга рече дека  по неколку години градба и исклучително комплицирани околности на светска и економска криза,  сепак успеавме да ја завршиме изградбата на театарот.

Во овој објект се инвестираа околу 12 милиони евра и тој е еден од најсовремените во Македонија. Театарот ќе биде место каде од есен велешани и сите љубители на театарот од земјава ќе можат да уживаат во театарските претстави и во оваа прекрасна театарска зграда, (Груевски)

Новиот театар во Велес се  споменува во реализираните проекти во  Отчетот за реализација на програмата на ВМРО-ДПМНЕ и коалицијата „За подобра Македонија” (стр.357), каде што,  меѓу другото,  е напишано:

Објектот е изграден на 4.200 квадратни метри и располага со голема сала со капацитет од 370 посетители и мала сцена со можност да прими до 110 посетители. Објектот располага со опрема и уреди, аудио и видео системи од врвни светски производители со можност за презентација на театарски дела со ефект и квалитет како во најсовремените театри во Европа и во светот, со што е овозможено во Велес да гостуваат сценски дела од која било светска продукција.

Изградбата на зградата на Велешкиот театар се одвиваше повеќе од шест  години – камен темелникот за овој објект беше поставен во мај 2008 година.

ИЗВОРИ:

 

Оценето од: Оливера Војновска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на текстот е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN