Тенденциозна објава за дискредитација на Шилегов

Од Админ On Mar 9, 2020 0

[Рецензија: РАКИЈА НЕ ЛЕЧИ КОРОНА – ПЕТРЕ ДА НЕ ТЕ ЛАЖАТ: Зошто градоначалникот на Скопје не е во карантин?]

Станува збор за тенденциозна содржина создадена врз основа на статус на социјалните мрежи на уредникот на порталот кој го објавува написот. На фотографијата снимена и презентирана во склоп на текстот е прикажана личност фотографирана од зад грб и со полувидлив лик, а за кој во текстот се тврди дека е градоначалникот на Скопје, Петре Шилегов. Дел од фотографијата е заокружен и на прв поглед не е јасно што сè сака да се покаже или постигне со тоа.

Во самиот статус, пак, се тврди дека Шилегов пред три дена се вратил од Мадрид, а дека Владата донела уредба, според која, сите патници што биле во Шпанија мора да бидат тестирани за коронавирус и да се стават во 14-дневен карантин.

Па, освен проблематичнта фотографија за која не може да се заклучи кога и каде е снимена, како и со сигурност да се каже кој е ликот на неа, со објавата се пласира и невистинита иформација. Имено, Владата нема донесено уредба со која на сите патници кои биле во Шпанија им се наложува да бидат тестирани за коронавирус и да се стават во 14-дневен карантин.

Линк до оригиналниот напис:РАКИЈА НЕ ЛЕЧИ КОРОНА – ПЕТРЕ ДА НЕ ТЕ ЛАЖАТ: Зошто градоначалникот на Скопје не е во карантин?
Датум на објавување: 6 март 2020

Датум на рецензирање: 7 март 2020

Рецензент: Мирослава Бурнс

Фактички, Шпанија како дестинација воопшто не е дел од кризните подрачја наведени во мерката на Владата. Подрачјата што според владината препорака се сметаат за кризни и чии посетители не треба да одат на работа, училиште и треба да се пријават на телефоните на центрите за јавно здравје се: Ломбардија, Венето, Емилија Ромања, Пиемонт во Италија, како и Народна Република Кина, Хонг Конг, Иран, Јапонија, Маку, Филипини, Република Кореја, Сингапур, Тајван.

Точно е дека на Клиниката за инфективни болести беа тестирани двајца доктори за присуство на коронавирус, кои допатувале од Мадрид. Меѓутоа, причината зошто тие беа тестирани, па по негативните резултати ставени во двонеделен карантин, беше тоа што тие присуствувале на професионална обука во Мадрид на која еден од предавачите имал коронавирус. За сите други граѓани, патувањето во Шпанија не е основа за неодење на работа или карантин. Но, освен неточноста на изнесеното тврдење, паѓа в очи и тоа што во текстот се инсинуира дека градоначалникот, наводно, со ракија се лечи од корона?!

Ама, Петре наместо под клуч паламуди за споменици.

Друже, мит е инфото дека со ракија се убивала корона. Иди провери се и заклучи се дома, ПИШУВА главниот и одговорен уредник на „Инфомакс“, Александар Митовски.

Се добива впечаток дека оваа тенденциозна медиумска објава е направена со единствена цел – да се омаловажи, дискредитира градоначалникот Шилегов и да се наруши неговиот личен углед. Ваквиот начин на пишување и пласирање на информациите е спротивен на принципите зацртани во новинарскиот Кодекс и во Прирачникот за етика во новинарството.

Овој напис е дел од специјалното известување на „Критинк“ за дезинформациите поврзани со епидемијата на корона-вирусот Ковид-19. Кликнете на линкот за најнови вести и проверени информации од оваа област.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.