Твоето предизборно ветување звучи познато: Индиските фабрики за ретровизори „во рикверц“

Четвртата радиоемисија за нереализираното ветување за индиската „Мадерсон груп“. Фото: Скриншот

 

Продолжува соработката на едно радио и „Вистиномер“. Во четвртата радиоемисија „Твоето предизборно ветување звучи познато“, која радиото „Индекс“ ја реализира во соработка со „Вистиномер“, ветувањето што слушателот требаше да го погоди, како и да каже дали е исполнето или не, беше ветувањето на ВМРО-ДПМНЕ за изградба на две фабрики на индиската компанија „Мадерсон груп“, во која би се произведувале ретровизори кои би се продавале на европските производители на автомобили. Фабриките требаше да се градат во Технолошко-индустриската развојна зона Скопје 1, камен-темелник е поставен на 31 август 2011 година, но од ветувањето за инвестирање 12 милиони евра и 140 вработувања нема ништо.

Секој работен ден од 14:30 часот, слушателите на радиото „Индекс“ може да погодуваат кој политичар или партија дал одредено ветување и дали е тоа исполнето. За точните одговори следува награда од радиото.

Заинтересираните може да се пријавуваат на електронската адреса tvoetovetuvanjezvucipoznato@radioindex.mk и треба да испратат име и презиме и телефонски број на кој луѓето од радиото може да ги повикаат и да ги вклучат во емисијата.

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.