Уреден е кејот на реката Луда Мара во Ваташа

Фото: kavadarci.gov.mk

Уредување на кејот на реката Луда Мара во Ваташа

[ИЗВОРИ: КТВ (април 2018) А1 ОН (мај 2018) и Сител (септември 2017), ]  

 

ОБРАЗЛОЖЕНИЕ:

Во кампањата за локаните избори (окромври 2017 г.) и на почетокот на неговиот мандат  градоначалникот на Кавадарци, Митко Јанчев вети уредување на кејот на реката Луда Мара во Ваташа. Ова негово изборно ветување е исполнето.

На почетокот на минатата година ( 2019) од Општина Кавадарци информираа дека започна реализацијата на проектот за изградбата на кејот на Луда Мара низ селото Ваташа

Деновиве градежната оператива на фирмата „Градба промет“ од Кавадарци започна со реализација на проектот за изградба на кеј шеталиште на реката Луда Мара низ селото Ваташа.

Станува збор за  четвртата фаза од изградбата на кејот. Согласно проектот треба да се изградат 770 должни метри нов кеј на потегот од  паркингот кај зградите „Силекс“ до последниот мост на регионалниот пат.

За реализација на овој проект општината ќе инвестира 20 милиони денари.

На веб-страницата на Општината  може да се најдат повеќе информации и фотографии за текот на градежните работи поврзани со уредувањето на кејот во Ваташа.

Така, на пример, во јули 2019 има информација за тоа дека „Кејот на реката Луда Мара низ Ваташа го добива проектираниот лик“

|Градежната оператива на фирмата „Градба промет“ во село Ваташа работи на кејот шеталиште по коритото на реката „Луда Мара“. Според динамиката деновиве се извршуваат работи на бетонирањето на пешачките патеки над минорното корито, се поставуваат канделабри од јавното улично осветлување, како и се доуредуваат страните од големото корито на потегот пред фудбалското игралиште…

Во септември од Општината информираа дека  на уредениот кеј на Луда Мара во Ваташа е поставена урбана опрема, а веста беше пренесена и во дел од медиумите.

Изградбата на кејот во Ваташа се споменува  меѓу реализираните проекти во Отчетот (стр.3) на градоначалникот Јанчев за две години од неговиот мандат.

 

ИЗВОРИ:

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.