ВМРО-ДПМНЕ: Народни кујни
Во периодот 2011-2015 ќе отвориме дополнителни 12 народни кујни за стари и изнемоштени лица во рурални средини во сите региони низ државата во соработка со локалните самоуправи како континуирана заложба за обезбедување на животната егзистенција на сите лица во социјален ризик како и лицата кои се физички оддалечени од градските средини.
Ваков тип народни кујни во рурални средини ќе отвориме во:
- Црник, Конче, Старо Нагоричане. [Рок: 2011]
- Василево, Градско, Карбинци. [Рок: 2012]
- Центар Жупа, Чешиново. [Рок: 2013]
- Ранковце, Облешево. [Рок: 2014]
- Зрновци, Другово. [Рок: 2015]
Образложение:
Трите народни кујни предвидени за 2011 година, во Црник, Конче и Старо Нагоричане, се отворени. [Ажурирано на: 17.04.2012]
Отворена е народна кујна и во Василево. [Ажурирано на: 04.07.2012]
Во 2012 година отворена е народна кујна и во Градско, додека народната кујна во Карбинци, и покрај тоа што беше предвидена за 2012 година, според најавите ќе биде отворена во 2013 година. [Ажурирано на: 10.04.2013]
Во Отчетот за сработеното на Владата предводена од ВМРО-ДПМНЕ, 2011-2014, во делот „Македонија земја на еднакви можности“, за проектот „Нардони кујни“ е наведено:
„Од 2011 до 2013 година отворивме народни кујни во Црник, Конче, Старо Нагоричане. Василево, Градско, Карбинци. Чешиново и во Облешево. [Ажурирано на: 10 04.2014]
Со оглед на тоа што заклучно со април 2014 не се отворени сите најавени народни кујни (Ранковце, Зрновци и Другово), ова изборно ветување е делумно исполнето.
Линкови:
- Плус Инфо (23.11.2011): Отворена народна кујна во пехчевско Црник – девет од десет луѓе незадоволни. [Пристапено на: 17.04.2012]
- Сител Телевизија (30.11.2011): Народна кујна и во Старо Нагоричане, Кумановско. [Пристапено на: 17.04.2012]
- Sky.mk (26.12.2011): Утре се отвара народна кујна во општина Конче. [Пристапено на: 17.04.2012]
- Сител Телевизија (29.06.2012): Нова народна кујна во Василево. [Пристапено на: 04.07.2012]
- Дневник (27.06.2012): Отворена Народна кујна во Градско. [Пристапено на: 10.04.2013]
- Дојче Веле (26.12.2012): Народни кујни на секој чекор – вистински излез од кризата? [Пристапено на: 10.04.2013]
- Отчет 2011-2014: Македонија, земја на еднакви можности [Пристапено на:10.04.2014]
Оценето од: Оливера Војновска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
