ВМРО-ДПМНЕ: Нова зграда на Министерството за земјоделство, шумарство и водостопанство

Министерството за земјоделство, шумарство и водостопанство ќе добие нова современа зграда, со што ќе заштедиме средства за закупнина на простор и ќе обезбедиме полесен пристап на земјоделците до службите кои ќе бидат сконцентрирани на едно место. [Рок: декември 2011]

Образложение:

Изградбата на новата зграда е започната во јуни 2010 година. Според информациите од веб-сајтот на Министерството, како адреса за контакт сè уште се води привремената адреса во склоп на Министерството за економија, според што може да се заклучи дека новата зграда сè уште не е готова. [Ажурирано на: 19.04.2012]

Според официјалниот документ на Влада на РМ, Речено – Сторено: Отчет за работењето на Владата предводена од ВМРО-ДПМНЕ и нејзините коалициони партнери 2011-2012, во тек се финалните активности за пуштање во употреба на новата зграда. Од ова може да се заклучи дека, иако рокот за исполнување е истечен, новата зграда сè уште не е пуштена во употреба. Според тоа, ова ветување се оценува како неисполнето. [Ажурирано на: 07.09.2012]

Официјалното пуштање во употреба на новата зграда на Министерство за земјоделство, шумарство и водостопанство се случи на ден 08.09.2012 година, што е со задоцнување од 8 месеци од предвидениот рок во самото ветување (декември 2011 година). [Ажурирано на: 10.09.2012]

Линкови:

• Вечер (21.06.2010): Удрен темел на новата зграда на министерството за земјоделство. [Пристапено на: 19.04.2012]
• Форум Build.mk: Министерство за земјоделство [Пристапено на: 19.04.2012]
• Министерство за земјоделство, шумарство и водостопанство: Контакт [Пристапено на: 19.04.2012]
• Влада на РМ (20.07.2012): Речено – Сторено: Отчет за работењето на Владата предводена од ВМРО-ДПМНЕ и нејзините коалициони партнери 2011-2012. [Пристапено на: 07.09.2012]
• Build.mk (08.09.2012): Министерството за земјоделство од денес со нов објект [Пристапено на: 09.09.2012]

Оценето од: Дејан Димитриевски

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар