ВМРО-ДПМНЕ: Патент.мк
Иновациите се главниот двигател за поттикнување на конкурентноста во стопанството и негов развој. На иновациите како составен дел на научно-истражувачките активности ќе им биде посветено уште поголемо внимание. Стимулирањето на заштитата и регистрацијата на патентите и дополнителната поширока и посеопфатна промоција на иновациите, особено на оние што се резултат на соработката на истражувачите и стопанството ќе се реализира преку отпочнување на нов проект ПАТЕНТ.МК. Со проектот ќе се обезбеди координирање на стопанството и истражувачите и стимулација на иновативната работа. На порталот ќе бидат поместени содржини и алатки кои ќе обезбедуваат основање на иновативна база како и јавни дискусии и прибирање на предлози. [Рок: 2012 година]
Образложение:
Во август 2012 година, на јавноста и беше преставен проектот Патент.мк, кој според Министрите за образование и наука и Економија, Панче Кралев и Валон Сарачини, треба да обезбеди стимулирање на заштитата и регистрацијата на патентите, како и поголема промоција на иновациите, особено на оние кои се резултат на соработка меѓу истражувачите и стопанството.
Патент.мк претставува систем за евиденција на иновативните достигнувања на истражувачите.
Линкови:
-
Патент.мк [Пристапено на: 27.12.2012]
- Влада на РМ (11.08.2012): Промовиран проект Патент.мк, ќе се стимулира заштитата и регистрацијата на иновациите [Пристапено на: 27.12.2012]
- IT.com.mk (31.01.2012): МОН ги стартува Наука.мк и Патент.мк [Пристапено на: 27.12.2012]
Оценето од: Наталија Пешиќ
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар