ВМРО-ДПМНЕ: Чистење на дивите депонии
Ќе спроведеме посебна програма за расчистување и дислокација на дивите депонии и депониите на цврст отпад кои се наоѓаат во близина на автопатиштата и на главните регионални и магистрални патишта. Со тоа ќе ја елиминираме неубавата глетка која на некои места е присутна во близина на патиштата. Така ќе ја разубавиме земјата и ќе го зголемиме позитивниот впечаток и кај домашните и кај странските туристи. Надлежна институција: Министерството за животна средина. [Рок: 2015 година]
Образложение:
Во изминатиот период беа спроведени неколку акции за чистење на дивите депонии, како што е акцијата во Кисела Вода и во Карпош. Но се уште постојат многу депонии низ Македонија кои се уште не се санирани.
Забелешка*: Како краен рок за исполнување на ветувањето е земен април 2014 година, бидејќи тој месец истекува мандатот на владата.
Линкови:
- Чистење на дивите депонии во Карпош и во Кисела Вода [Пристапено на: 14.04.2014]
- Се реконструираат тротоари и се чистат диви депонии во Кисела Вода [Пристапено на: 14.04.2014]
- Охрид тоне во градежен шут, секојдневно никнуваат нови депонии со цврст отпад [Пристапено на: 14.04.2014]
Оценето од: Марија Теговска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
