Во Бутел се изградени три повеќенаменски игралишта
Проект:
Изградба на три повеќенаменски спортски игралишта Во соработка со Владата на Република Македонија и Агенцијата за млади и спорт, планирана е изградба на три повеќенаменски спортски игралишта во н.м. Бутел 2, н.м. Бутел 1 и населба Радишани, Кучевалка бара што ќе при- донесе за развој на масовниот спорт и спортот за сите. Повеќенаменските игралишта ќе бидат ставени на располагање на сите граѓани за спортување, рекреирање и за натпреварување. Игралиштата ќе можат да се користат де- ноноќно и ќе бидат место за собирање и дружење на младите генерации, како и основа за создавање на здрава младина и одлична превентива од по- роците на модерното живеење. (Рок: ноември 2015)
ОБРАЗЛОЖЕНИЕ:
Градоначалникот на Општина Бутел, Петре Латиновски, во изборната програма со која излезе за локалните избори во 2013 година вети изградба на три спортски игралишта во Бутел 1, Бутел 2 и во населбата Радишани. Ова негово изборно ветување дадено во споменатата изборна програма насловена: „ Нови дела за нов напредок, нови дела за подобар Бутел!“ (Спорт и млади, стр. 23), е исполнето.
Во ноември 2013 година медиумите информираа дека е завршена изградбата на повеќенаменското спортско игралиште во Бутел 1, а таква информација е објавена и на веб-страницата на Општина Бутел. Спортското игралиште беше официјално пуштено во употреба во февруари 2014 година . На свеченоста по тој повод присуствуваа тогашниот премиер Никола Груевски и градоначалникот на Општина Бутел, Петре Латиновски.
Игралиштето кое денеска официјално го пуштаме во употреба е нешто што го ветивме за време на кампањата… (Груевски)
Задоволството е најголемо кога проектот којшто ќе се реализира го користат најмладите… (Латиновски)
Повеќенаменско игралиште во Бутел 2 во населбата „Мара Междуречка” е пуштено во употреба во ноември 2014 година. Како што пренесоа медиумите, градоначалникот Латиновски тогаш ѝсе заблагодарил на Владата и на Агенцијата за млади и спорт „за изградените 2 спортски сали, 2 повеќенаменски игралишта и тенискиот терен во нас. Радишани’
Во врска со реализацијата на овој проект од програмата на Латиновски, „Вистиномер“ се обрати и во Општина Бутел од каде ни беше одговорено дека трите спортски игралишта се направени.
Ве информираме следното:
– Во Бутел 1 изградено повеќенаменско игралиште во непосредна близина на ОУ Климент Охридски
– Во Бутел 2 изградено повеќенаменско игралиште на Ул. Мара Междуречка
– Во населба Радишани изградено повеќенаменско игралиште и тенсико игралиште во непосредна близина на ОУ Ацо Шопов (Општина Бутел)
Имејќи ја предвид направената проверка, како и одговорот од Општина Бутел, споменатото изборно ветување на Латиновски го сметаме за исполнето.
ИЗВОРИ:
- Изборна програма на ВМРО-ДПМНЕ за локални избори 2013 -2017 Нови дела за нов напредок, нови дела за подобар Бутел!(Спорт и млади, стр. 23) [Пристапено на 03.08.2017]
- Отчет за реализацијата на програмата на ВМРО-ДПМНЕ и коалицјата “За подобра Македонија” (стр.395) [Пристапено на 03.08.2017]
- Грид (16.11.2014): Пуштено повеќенаменско игралиште во Бутел 2 [Пристапено на 03.08.2017]
- Прес 24 (16.11.2014): ФОТО: Бутел доби повеќенаменско спортско игралиште [Пристапено на 03.08.2017]
- Денешен (07.11.2-13): Бутел доби ново спортско игралиште и нов паркинг [Пристапено на 03.08.2017]
- Вести.мк (08.02.2014): Младите од Бутел му се израдуваа на новото игралиште [Пристапено на 03.08.2017]
- Точка (08.02.2014): Бутел добива ново повеќенаменско игралиште [Пристапено на 03.08.2017]
Оцени: Оливера Војновска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар