Во телата на лицата инфицирани со корона НЕ се вградени микрочипови

Информациите што немаат никаква врска со фактите и вистината, се карактеристични и со појавувањето на вирусот корона или Ковид-19 ширум светот. Таква е и информацијата што беше објавена во еден од медиумите во Северна Македонија, во која се вели дека биле пронајдени микрочипови во заразените тела. Иако истата информација е претставена како факт, реално таа е дезинформација

Линк до оригиналниот напис: „Откриени шокантни факти/пронајдени се микрочипови во телата на луѓето заразени со Ковид 19“  Zbulohen fakte tronditëse/ Gjenden mikroçipë në trupat e personave të infektuar nga Covid 19

Датум на објавување: 04.04.2020

Датум на рецензија: 05.04.2020

Рецензира: Фатбарда Цури

Сензационален наслов

Манипулацијата со јавноста, колку за привлекување кликања, започнува од насловот. Од него, читателот разбира дека инфекцијата доаѓа од вградување или имплантација на микрочипови во телата на заразените лица. Најголемата манипулација е направена со тоа што информацијата е објавена како да е од земјава, затоа што е категоризирана во рубриката во Македонија – вести.

„Откриени се шокантни факти/пронајдени се микрочипови на телата на луѓе заразени со„ Ковид 19 “, се наведува во насловот на статијата што ја разгледуваме.

Иако насловот го кажува тоа, текстот пренесува нешто друго. Во него се наведува дека заразените лица имаат микрочипови, без да прецизираат кога биле вградени во истите заразени лица и дали биле запознаени.

Причината зошто треба да се напомене кога се вградени микрочиповите е поврзана со фактот дека некои држави започнале со спроведување на апликации за следење на рутата на заразените лица, за да имаат контрола врз нивното движење и веројатноста за заразување и на другите. Сепак, микрочиповите не можат да бидат вградени без знаење на заразените.

Манипулација и според КриТинк и според Етичкиот Кодекс

Дека ова е манипулација, се подразбира и од присуството на концептот на манипулација во написот кој е опишан во прирачникот на КриТинк како „повик до авторитет“. Овој манипулативен концепт има за цел да ги шири информациите до јавноста како точни, само ако во него се наведени изјавите на одредени личности, што во овој случај е сторено со цитирање на двајца лекари.

Но дека се вградени микрочипови, тоа е дезинформација.

Дека се вградуваат микрочипови кај заразени лица, беше кажано и за Бил Гејтс пред извесно време, но оваа информација, иако беше споделена на социјалните мрежи „Facebook“ (Фејсбук) и „Twitter“ (Твитер), се покажа како дезинформација.

И покрај фактот дека светот, како и медиумите, се соочуваат со голем предизвик, пандемијата со коронавирусот, ова не треба да ги амнестира новинарите за објавување непроверени статии.

Ова е спротивно на Етичкиот кодекс за новинарите, во кој се вели дека новинарот мора да објавува проверени информации. Ако тој е спречен да го стори тоа, тој мора да ја информира јавноста. Покрај ова за болести според истиот Кодекс не треба да се информира со сензационализам.

Овој напис е дел од специјалното известување на Критинк за дезинформациите за епидемијата со коронавирусот или Ковид-19. Кликнете на линкот за најновите вести и потврдените информации од оваа област.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар