Вработувањата на 600 доктори специјализанти течат недозволиво споро

Од Стојан Синадинов 0
Фото:vlen.eu

Сите релевантни параметри укажуваат на тоа дека македонското здравство е во незавидна кондиција, што го потврдува и министерот Таравари. Но, колку и да се ограничувачки административните процедури, реалноста покажува дека реализацијата на вработувања за 600 доктори специјализанти е недозволиво спора. Таравари сепак е прв човек на Министерството за здравство кое не само што ја крои здравствената политика, туку треба и да ја спроведува.

Сите релевантни параметри укажуваат на тоа дека македонското здравство е во незавидна кондиција, што го потврдува и министерот Таравари. Но, колку и да се ограничувачки административните процедури, реалноста покажува дека реализацијата на вработувања за 600 доктори специјализанти е недозволиво спора. Таравари сепак е прв човек на Министерството за здравство кое не само што ја крои здравствената политика, туку треба и да ја спроведува

 

Министерот за здравство Арбен Таравари најави нови 1.800 вработувања во здравството до крајот на 2025 година. Од нив, според министерот, 600 вработувања се наменети за специјализанти: 300 ќе бидат примени до крајот на март, а уште 300 до декември 2025 година.

Не ги знам од која партија се. Едноставно сите што аплицирале и најавивме 1.180 вработени во клиниките и болниците кои што работат на договор на дело. За овие знаеме каква е етничката структура, но тоа е ирелевантно. Штом клиниките и болниците бараат тие луѓе да бидат вработени, значи вредат тие луѓе и ќе бидат вработени. Затоа тече иницијатива, рече Таравари.

[Извор: Независен весник Таравари најави 1.800 вработувања во здравството до крајот на 2025 – Датум: 24.02.2025]

 

Образложение: 

Оваа изјава на министерот Таравари  е недоследна во однос на неговите претходно искажани заложби за брзо решавање на проблемот со вработувањето на докторите специјализанти и на медицинскиот персонал ангажиран со договор на дело. Тој и пред една недела тврдеше дека Министерството за здравство веќе ги има завршено сите процедури за враќање на работа на најголемиот дел на околу 1.180 здравствени работници кои работат по договор за дело, па останува само ресорните министерства да ги дадат согласностите за нивните вработувања. Во таа прилика се осврна и на најавените вработувања за околу 600 специјализанти.

Од „Здравство“ е потпишано уште од понеделникот. Се надевам дека и од „Финансии“ ќе се потпише што поскоро…Јас гарантирам, не дека ќе им се продолжат договорите, туку овие ќе земат и решенија…Меѓутоа, според новите систематизации поради приватните специјализанти кои што се 300 од првата половина од оваа година и уште 300 во втората половина на 2025, ни требаше нови систематизации и директорите, нормално сега ќе отвораат конкурси…Јас се надевам дека идната недела овој грч ќе биде решен, изјави Таравари на 20 февруари.

Ангажманот на 600 приватни специјализанти, според претходните изјави на министерот за здравство Таравари, веќе требаше да биде реализиран, бидејќи на 30 декември 2024 година Министерството за здравство и Министерството за финансии одобрија вработувања. Месец и половина по тоа одобрување, Таравари говори за нови систематизации:

Некои од болниците имаат нови систематизации, околу 20, набргу можат веќе сами да објават конкурси и да ги вработат. 300 ќе бидат вработени до крајот на март, 300 други до крајот на декември 2025 година. Илјада и 180 средно-медицински кадар генерално кои што беа договорци по 5, 10 и повеќе години исто така до крајот на март треба сите овие да им се даде решение во здравствените установи. Очекуваме заедно со приватните специјализанти и тие да се систематизираат, изјави Таравари.

Спороста во реализацијата на вработувањата на специјализантите Таравари ја гледа во административните пречки.

Ова не беше предвидено и во систематизациите на јавните здравстени установи. На пример, на Здравственот дом му требаат седум или десет лекари кои не беа предвидени. Ианку, од вкупно 108 јавни здравстени установи кои подготвуава нови систематизации, 20 веќе се подготвени и можат веднаш да почнат да ги вработуваат првите 300 специјализанти. Останатите ги чекаат новите систематизации од Министерството за администрација, вели Таравари.

Уште на почетокот на октомври минатата година, при давањето отчет на Владата, Таравари истакна дека „100 дена нова Влада значи вработување на 600 специјализанти во дефицитарните области“.

Во тек е мерката 300 плус 300 за вработување во јавните здравствени установи во дефицитарните области, која се одвива во две фази, и тоа вработување на 300 специјализанти до крајот на годинава, и 300 специјализанти следната година. Со ова им даваме шанса на младите доктори и покажуваме дека водиме грижа за пациентите, потенцираше Таравари во отчетот  за првите 100 дена Влада.

На крајот од минатата година министерот за здравство посочи дека Владата обезбедила буџет за 1.117 нови вработувања и 600 приватни специјализанти, и дека веднаш на почетокот на новата година ќе бидат објавени конкурсите за нивните вработувања.

Имаме недостаток на доктори. Одлучивме тие 600 специјализанти да ги вклучиме во нашиот здравствен систем, 300 се веќе систематизирани по болници и клиники каде што недостасуваат доктори. Се видов со деканите на медицински факултети, одлучивме да ги вработиме петте најдобри студенти од сите медицински факултети во државата. Тие, заедно со специјализантите ќе се вклучат во здравствениот систем. Планот е потоа, наместо пет, да ги вработуваме веднаш десеттемина најдобри, рече министерот Таравари на брифинг со новинарите на 30.12.2024.

И Европската комисија во нејзиниот извештај од 2023 посочи дека нашето здравство, благо кажано, е на потпросечно ниво.

И понатаму недостасуваат одредени специјалисти. Соодносот на лекарите и медицински сестри на 100.000 жители продолжува да биде под просекот на ЕУ, а медицинскиот персонал, медицинските сестри и специјалистите продолжуваат да го напуштаат јавниот здравствен сектор за да работат или во приватен сектор или во странство, агенцијата Мета пренесе наводи од извештајот.

Сите овие параметри укажуваат на тоа дека македонското здравство е во незавидна кондиција, што го потврдува и министерот Таравари. Но, колку и да се ограничувачки административните процедури, реалноста покажува дека реализацијата на вработувања за 600 доктори специјализанти е недозволиво спора.

Ставот на Таравари е недоследен, бидејќи тој сепак е прв човек на Министерството за здравство кое не само што ја крои здравствената политика, туку треба и да ја спроведува.

 

 

Извори: 

 

Оценил: Стојан Синадинов

 

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Слични артикли

Оставете реакција

Јазици MK SQ EN