За првачињата во Струмица се обезбедени бесплатни униформи
Училишни униформи за сите првоодделенци
[Извор: Изборна програма на Коста Јаневски за локалните избори 2017-2021 – „Живот во Струмица за сите“ (стр.13) , датум: октомври 2017]
ОБРАЗЛОЖЕНИЕ:
Ветувањето на градоначалникот на Струмица, Коста Јаневски дека ќе бидат обезбедени бесплатни униформи за сите првооделенци во основните училишта во Општината, дадено во кампањата за локалните избори (октомври 2017 година), е исполнето. Ова ветување на Јаневски е посочено на почетокот на неговата изборна програма „Живот во Струмица за сите“ , во делот посветен на учениците (стр.13), каде, меѓу другото, се вели:
Униформите се белег на пристојност. Со нив децата во училиштата многу полесно ќе се концентрираат на главната цел за која се таму, нивно воспитување и образување, а помалку внимание ќе посветуваат на тоа како се облечени… Обезбедувањето на училишната униформа помага во создавање работна атмосфера, на што укажуваат и голем број студии во однос на зголемување на успехот
На почетокот на второто полугодие минатата учебна година (2018/2019) дел од медиумите известија дека училишни униформи (маици и дуксери) добиле 639 ученици во прво одделение во сите основни општински училишта.
Оваа учебна година (2019/2020), исто така, се обезбедени бесплатни училишни униформи за првачињата (620), за што според градоначалникот Јаневски од општинскиот Буџет се издвоени 650.000 денари.
Информација и фотографии дека првооделенците добиле училишни униформи, се објавени и на веб-страницата на Општина Струмица.
ИЗВОРИ:
- Извор:Изборна програма на Коста Јаневски за локалните избори 2017-2021 – „Живот во Струмица за сите“ (стр.13) [Пристапено: 02.10.2019]
- Веб-страница на Општина Струмица (07.02.2019): Училишни униформи за сите ученици во прво одделение во општинските основни училишта [Пристапено: 02.10.2019]
- МИА (07.02.2019): Општина Струмица обезбеди училишна униформа за 639 прводеленци [Пристапено: 02.10.2019]
- Струмицаденес.мк (07.02.2019): Општина Струмица обезбеди училишна униформа за 639 прводеленци! [Пристапено: 02.10.2019]
- Веб-страница на Општина Струмица (30.08.2019): Основните и средните училишта во општина Струмица се подготвени за новата учебна година [Пристапено: 02.10.2019]
- Дрнка.мк (01.10.2019): Јаневски најави бесплатен училишен прибор за 820 деца, униформи за 620 првачиња и ужинка овошје за основците во општина Струмица [Пристапено: 02.10.2019]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар