Завршена е реконструкцијата на булеварот „АСНОМ“ до мостот „Близнак“

Од Оливера Војновска 0
Фото:skopje.gov.mk

На почетокот на мандатот градоначалникот на Скопје, Петре Шилегов во рамки на проектот за сообраќајно поврзување на општините Аеродром, Гази Баба и Центар , во неговата прва фаза најави:

Реконструкција на булеварот „АСНОМ“

[ИЗВОР:  Нетпрес,  датум:23.03.2018]

 

ОБРАЗЛОЖЕНИЕ:

Реконструкцијата на булеварот „АСНОМ“  на потегот од крстосницата со булеварот „Васко Карангелески“ до крстосницата со булеварот „Србија“ кај мостот „Близнак“, е  исполнето ветување на скопскиот градоначалник, Петре Шилегов.

Проширувањето на оваа делница Шилегов го најави на прес-конференција неколку месеци по доаѓањето на функцијата, како прва фаза од проектот за новиот сообраќаен коридор преку реката Вардар којшто ќе ги поврзува  Аеродром, Гази Баба и Центар.

Реконструкцијата на оваа сообраќајница, чијшто изведба започна минатата пролет,  заврши неодамна. На споменатиот потег е направено проширување  на булеварот „АСНОМ“ со по 3 коловозни ленти, пешачки и велосипедски патеки во двете насоки  и средишно зеленило.

Ова, фактички, е првата од трите фази за изградба на овој булевар, кој во наредниот период преку новиот мост на реката Вардар – којшто е веќе во изградба, треба да се поврзе со булеварот Гоце Делчев во Општина Гази Баба (кај Ќерамидница), со што Аеродром ќе добие и нова сообраќајна релација кон Центар.

Информација и фотографии за проширениот билевар се објавени на официјалната  веб-страница на Град Скопје и во повеќе меедиуми.

 

ИЗВОРИ:

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.
Слични артикли

Оставете реакција

Јазици MK SQ EN