Медат Куртовски
Градоначалник на Општина Маврово-Ростуше од октомври 2017 година, по победата на локалните избори
ПРИВАТЕН ЖИВОТ
Куртовски е роден на втори декември 1979 година во с. Скудриње. Оженет е и е татко на две деца.
ОБРАЗОВАНИЕ
Основното образование го завршил во Скудриње во ОУ „Блаже Конески“. Средно образование завршил во Централното средно насочено училиште „Здравко Чочковски“ во Дебар. Потоа се образува како филолог во Скопје. Дипломирал Англиски Јазик и книжевност на Филолошкиот факултет при Универзитетот ‘’ Св. Кирил и Методиј’’.
КАРИЕРА
После завршување на факултетот работел како професор по англиски јазик во повеќе основни училишта. Истовремено бил активен во неколку здруженија на граѓани.
На локалните избори во 2017 година е кандидиран за градоначалник од страна на Социјалдемократскиот сојуз на Македонија, при што ја освојува довербата на граѓаните и ја презема функцијата во октомври истата година.
Неговите приротетни заложби во предизборната програма беа реконструкција и проширување на локалниот пат Ростушки мост – полициска станица, потоа изградба на катна гаража во село Скудриње и чиста и здрава вода за граѓаните на Церево, Врбен, Ново село и Сретково.
ИЗВОРИ:
- Веб страна на Општина Маврово-Ростуше, градоначалник
- СДСМ –Живот во Маврово и Ростуше за сите, Предизборна програма
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар