БИРН Косово: Невистина е дека Иса Мустафа беше транспарентен за трошењата на неговата Влада

Фото: БИРН-Косово

 

Косовската секција на Балканската мрежа за истражувачко новинарство (БИРН) ја анализираше изјавата на поранешниот косовски премиер Иса Мустафа, дадена во интервју за ТВ емисијата „Jeta në Kosovë“ („Животот на Косово“), во која тој изјавува дека бил транспарентен кога станува збор за трошењата на неговата влада. Имено, во интервјуто објавено на 21 ноември 2019 година, Мустафа тврди дека неговите сметки биле на располагање и како немал ништо против тие сметки да бидат транспарентни за медиумите.

И покрај барањето на порталот на БИРН-Косово (Kallxo.com), Иса Мустафа, тогаш на премиерска позиција, не дозволи пристап до овие сметки, ниту, пак, до оние на претходната Влада, предводена од Хашим Тачи, иако беше донесена пресуда од Апелациониот суд за пристап на медиумите во трошењата на Владата.

Дури оваа година БИРН обезбеди пристап до сметките на Владата на заминување на Рамуш Харадинај и претходната Влада предводена од Иса Мустафа. Ваквото образложение придонесе изјавата на Мустафа да биде оценета како невистина.

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.