Направена е реконструкција на булеварот „Видое Смилевски Бато“ во Ново Лисиче

Од Оливера Војновска 0
Фото: skopje.gov.mk

Реконструкција на булеварот „Видое Смилевски Бато“,

 [Извор: Официјална веб-страница на Град Скопје; Датум: април 2020г.]

ОБРАЗЛОЖЕНИЕ:

Ветувањето на  градоначалникот на Скопје, Петре Шилегов, за реконструкција на булеварот „Видое Смилевски Бато“,  во населбата Ново Лисиче е исполнето. Ова ветување Шилегов го даде во април минатата година на прес-конференција, најавувајќи градежна офанзива на градските сообраќајници. Реконструцијата на споменатата сообраќајница  е завршена  во октомври минатата година (2020).

Градежните активности на булеварот „Видое Смилевски Бато  стартуваа на крајот на август и го опфатија  потегот од крстосницата со булеварот Србија до улицата Февруарски поход

                                                      Фото: skopje.gov.mk

Реконструкцијата на овој булевар во Општина Аеродром финишираше во средината на октомври, од Град Скопје тогаш информираа дека:

На потегот од крстосницата со булевар Србија до булеварот Февруарски поход, во должина од седумстотини метри во двете насоки на булеварот ВС.Бато, освен реконструкцијата на асфалтот, во изминатиов период беше направена и нивелација на постојните шахти и сливници за одведување атмосферска вода, како и замена на оштетените рабници.

Очекувањата се дека овој градежен зафат  во иднина ќе влијае врз олеснувањето на сообраќајниот метеж во овој дел од градот. Бидејќи, како што велат градските власти, „со целосната реконструкција на булеварот Февруарски поход, завршувањето на првата фаза од изградбата на булеварот АСНОМ, како и градбата на новиот мост од улица Васко Карангелевски кон Ќерамидница, граѓаните ќе добијат уште една сообраќајна алтернатива “.

                                                      Фото: skopje.gov.mk

Информација и фотографии за завршувањето на реконструкцијата на оваа сообраќајница се објавени на  официјалната  веб-страница на Град Скопје  и во повеќе во медиуми.

 

ИЗВОРИ:

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Слични артикли

Оставете реакција

Јазици MK SQ EN