Поранешниот руски радарски систем „Дуга“ претставен како мамутски ХААРП систем во САД
Вистиномер изврши пребарување на Гугл на фотографии од видеото и дојдовме до податок дека на видеото е прикажан „Дуга“ – руски радарски систем над хоризонтот (OTH) што се користел во Советскиот Сојуз како дел од неговата радарска мрежа за рано предупредување за ракетна одбрана
Вистиномер изврши пребарување на Гугл на фотографии од видеото и дојдовме до податок дека на видеото е прикажан „Дуга“ – руски радарски систем над хоризонтот (OTH) што се користел во Советскиот Сојуз како дел од неговата радарска мрежа за рано предупредување за ракетна одбрана
Објава на Фејсбук споделува видео за кое тврди дека прикажува мамутски ХААРП систем во Америка.
Mamutski HAARP SISTEM vo Amerika , USA, стои во објавата.
Вистиномер изврши пребарување на Гугл на фотографии од видеото и дојдовме до податок дека на видеото е прикажан „Дуга“ – руски радарски систем над хоризонтот (OTH), што се користел во Советскиот Сојуз како дел од неговата радарска мрежа за рано предупредување за ракетна одбрана.
![](https://vistinomer.mk/wp-content/uploads/2024/07/screenshot-www.facebook.com-2024.07.20-20_56_28.png)
![](https://vistinomer.mk/wp-content/uploads/2024/07/screenshot-www.colourbox.com-2024.07.20-21_39_20.png)
Видеа од овој поранешен руски радарски систем може да се најдат тука и на социјалната мрежа Тик Ток.
Повеќе за овој џиновски напуштен радар може да се прочита тука.
HAARP, програма на Универзитетот во Алјаска Фербенкс, која беше управувана од американската војска помеѓу 1990-2014 година, користи опрема со висока фреквенција за проучување на горната атмосфера. Теориите на заговор за програмата тврдат дека владите го користат HAARP за тајно да го променат времето или да ја поврзат програмата со природни катастрофи.
Род Бојс, портпарол на HAARP, за Ројтерс изјавил дека „HAARP е самостоен објект лоциран во близина на Гакона, Алјаска“.
Имајќи ги предвид сите погоре наведени факти, заклучуваме дека објавата што ја анализираме е неточна.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар