Реконструирана е улицата „Востаничка“ во Црниче
Реконструкција на улицата „Востаничка“
[Извор: Официјална веб-страница на Град Скопје; Датум: април 2020г.]
ОБРАЗЛОЖЕНИЕ:
Градоначалникот на Скопје, Петре Шилегов, пред неколку месеци на прес-конференција, најавувајќи градежна офанзива на градските сообраќајници, меѓу другото, вети и реконструкција на улицата „Востаничка“ во наслебата Црниче. Ова негово ветување е исполнето, реконструцијата на споменатата сообраќајница во Општината Кисела Вода е завршена минатиот месец.
Градежните активности на улицата „Востаничка“ стартуваа на крајот на август и го опфатија потегот од улицата „Црниче“ до улицата „Свети Наум Охридски“, во должина од 1.100 метри.
Во изминатиот период на оваа делница се обновени коловозот и рабниците, а исто така, се реконструирани и тротоарите со замена на бекатон-плочките.
Од Град Скопје информираа дека се изработени и 76 нови приклучоци во водоводната мрежа за да се обезбеди континуирано и квалитетно водоснабдување, со што е решен и еден горлив проблем што со години ги мачеше граѓаните од овој дел на градот.
Градските власти најавуваат дека на барање на граѓаните, на тротоарите на раскрсниците на улицата „Востаничка“ ќе бидат поставени столпчиња за да се зголеми прегледноста и безбедноста на раскрсниците, за сите учесници во сообраќајот.
Информација и фотографии за завршувањето на реконструкцијата на оваа сообраќајница се објавени на официјалната веб-страница на Град Скопје и во повеќе во медиуми.
ИЗВОРИ:
- Официјална веб-страница на Град Скопје (29.04.2020): Шилегов ја најави градежната офанзива за ова лето [Проверено на: 12.11.2020]
- Макфакс (30.04.2020): (Видео) Шилегов најави градежна офанзива ова лето [Проверено на:12.11.2020]
- Грид.мк (30.04.2020): Град Скопје со нова офанзива за изградба и реконструкција на градските улици [Проверено на: 12.11.2020]
-
Официјална веб-страница на Град Скопје (18.10.2020): Улиците Лазар Личеноски и Востаничка од утре отворени за користење -Градот Скопје ги заврши реконструкциите во рекордно време [Проверено на: 12.11.2020]
- Официјална веб-страница на Град Скопје(06.11.2020): Реконструирана улицата Востаничка во Кисела Вода [Проверено на: 12.11.2020]
- Грид.мк (06.11.2020): Реконструирана улицата „Востаничка“ во Кисела Вода [Проверено на: 12.11.2020]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар