Субвенциите за литар овчо и козјо млеко се четири денари

Од Оливера Војновска 0
Фото: pxhere.com

 

Зголемена финансиска поддршка по литар за овчо и козјо млеко во преработувачката индустрија. Наместо сегашните 3 денари, во иднина ќе се исплаќаат 4 денари по литар млеко.

[ИЗВОР: Предизборна програма на СДСМ „План за живот“, стр. 223 , датум: декември 2016]

 

ОБРАЗЛОЖЕНИЕ:

Ветувањето на  СДСМ дадено за предвремените парламентарни избори (декември 2016 г.), дека финансиската поддршка за овчо и козјо млеко во преработувачката индустрија ќе биде зголемена на 4 денари по литар, е исполнето.

Ова  ветување на социјалдемократите  е посочено  во нивната изборна програма: „План за живот во Македонија“ , во  „Планот 180 – итни реформски приоритети на новата Влада во првите 6 месеци“ (стр.223). 

На петти април оваа година (2018)  Агенцијата за финансиска поддршка во земјоделството и руралниот развој  ( АФПЗРР) ги извести млекопроизводителите дека започна рокот за поднесување на барања за директни плаќања за произведено и предадено овчо, козјо и кравјо млеко во период од октомври до декември 2017 година и ќе трае до 16 мај (2018).

Висината на поддршката изнесува 4 денари по литар за овчо и козјо млеко и 3,5 денари по литар за кравјо млеко. Барањата се поднесуваат по електронски пат во подрачните единици на Министерството за земјоделство, шумарство и водостопанство каде што е регистрирано земјоделското стопанство.

Соопштението беше објавено на веб-страницата на АФПЗРР и во медиумите.

На почетокот на мај од АФПЗРР информиираа дека рокот за аплицирање за субвенции за литар продадено млеко во октомври, ноември и декември 2017 година, наместо до 16-ти мај, ќе се продолжи до 23-ти мај. И ова известување беше објавено на веб-страницата на АФПЗРР и во медиумите

На  01.06.2018 година  министерот за земјоделство шумарство и водостопанство, Љупчо Николовски на настан организиран по повод  Светскиот ден на млекото, меѓу другото, рече:

За производство на квалитетно млеко, МЗШВ презема конкретни мерки . Преку  Програмата за финансиска поддршка годинава годинава  субвенциите се 3,5 денари по литар за предадено сурово кравјо млеко и четири денари по литар за предадено овчо и козјо сурово млеко во преработувачки капацитети . (Љупчо Николовски).

На први јуни (2018) од Подрачната единица на Министерството за земјоделство во Кочани ги информираа млекопроизводителите дека  започна рокот за пријавување за субвенции за предадено кравјо, овчо и козјо млеко во преработувачките капацитети за првите четири месеци од оваа година (2018).

Можат да поднесат сите оние кои имаат предадено млеко за првите четири месеци од 2018 година. Барателите е потребно со себе да ги донесат откупните белешки од преработувачките капацитети каде што го имаат предадено млекото. Да напоменеме дека субвенцијата по основ на предадено кравјо млеко е 3,5 денари и 4 денари за предадено овчо и козјо млеко  –  Горанчо Миладиновски, раководител на ПЕ на МЗШВ Кочани.

Имајќи ги предвид презентираните информации објавени  во медиумите, како и на официјалната веб-страница на АФПЗРР,  ова изборно ветување на СДСМ го сметаме за исполнето.

 

ИЗВОРИ:

Оцени: Оливера Војновска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN