Во Скопје не е направена патека за екстремен велосипедизам
ПРОЕКТ: РАЗВОЈ НА РЕКРЕАТИВЕН И НА ЕКСТРЕМЕН СПОРТСКИ ВЕЛОСИПЕДИЗАМ
Опис на проектот: Во насока на подобрување на условите за велосипедистите, како и развојот на спортскиот туризам, Градот Скопје ќе направи велосипедска патека за вљубениците на екстремниот спорт и во екстремниот велосипедизам. (Рок: 2015-2016 година)
ОБРАЗЛОЖЕНИЕ:
Велосипедска патека за вљубениците на екстремниот спорт и во екстремниот велосипедизам, градоначалникот Коце Трајановски им вети на скопјани за локалните избори во 2013 година. Во неговата Изборна програма „Нови дела за нов напредок, нови дела за подобро Скопје“ , (во делот Туризам, стр. 29) , е наведено дека ваква велосипедска патека ќе биде направена во период (2015-2016 година). Иако, рокот за реализација посочен во програмата на Трајновски е поминат, сепак, ова изборно ветување не е исполнето.
Досега (24.03.2017), нема информации дека се спроведени активности за имплементација на овој проект. На интернет пребарувачите никаде не може да се најдат податоци околу изградбата на патека за екстремен велосипедизам во Скопје. Единствените информации кои се добиваат се поврзани со изградба и реконструкција на велосипетските патеки во Скопје (Отчет 2015 , стр. 13)
Информација за тоа дека е направена „велосипедка патека за вљубениците на екстремниот спорт и во екстремниот велосипедизам“, нема на ниту на официјалниот портал на Град Скопје, а овој проект воопшто не се споменува ниту во отчетите на Трајановски за сработеното во 2015 и 2016 година, каде педантно се наведени проектите кои се реализирани или се во фаза на реализација.
ИЗВОРИ:
- Извор: Изборна програма на ВМРО-ДПМНЕ и Коце Трајановски (2013-2017), Нови дела за нов напредок, нови дела за подобро Скопје! (во делот Урбанизам, булевари, мостови, стр. 55) [Пристапено: 24.03.2017]
- Отчет 2016 на градоначалникот на Скопје, Коце Трајановски [Пристапено: 24.03.2017]
- Otcet_2015_godina Отчет 2015 на градоначалникот на Скопје, Коце Трајановски [Пристапено: 24.03.2017]
- Тајм.мк (21.03.2016): Град Скопје ја пушти во употреба првата велосипедска рута од проектот ,,Скопје велоград“ [Пристапено: 24.03.2017]
- Сител (21.03.2016): Град Скопје ја пушти во употреба првата велосипедска рута од проектот ,,Скопје велоград“ [Пристапено: 24.03.2017]
Оцени: Оливера Војновска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар