Направена е реконструкција на ОУ „Круме Кепески“ во Кисела Вода

Од Оливера Војновска 0
Училиштето „Круме Кепсеки“ во Кисела Вода доби нов лик Фото: Принтскрин Веб-страница на Општина Кисела Вода

ОУ „Круме Кепески“ – реконструкција на прозори и санитарни јазли. (Рок за реализација: 2013-2015)

 

ОБРАЗЛОЖЕНИЕ:

Реконструкција на основното училиште „Круме Кепески“ во Кисела Вода, вети градоначалничката на оваа Општина Билјана Беличанец – Алексиќ,   во Изборната програма (2013-2017) „Нови дела за нов напредок, нови дела за подобра Кисела Вода!“ (Образование и наука, стр. 24),  со која таа бараше градоначалнички мандат на локалните избори во 2013 година. Ова е исполнето ветување на градоначалничката Беличанец – Алексиќ, реализирано во соработка со Владата на Германија, УНДП и Цементарница „УСЈЕ“. Реконструкцијата на  централното основно  училиште „Круме Кепески“  е завршена  во април 2016 година, а реновирањето на подрачното училиште во населбата Припор е направено летото 2013 година.

Во ноември 2013 година од Општина Кисела Вода  информираа дека во соработка со  германската Влада, пред почетокот на новата учебна година (2013) е  извршена целосна реконструкција на подрачното училиште “Круме Кепески”, во населбата Припор. На петти ноември 2013 година претставници од германската амбасада во Скопје, директорот на ОУ „Круме Кепески” и претставници од Општина Кисела Вода го посетија подрачното училиште во  Припор, во кое во текот на летниот период се поставија нови прозорци, целосно се реновираа училниците, а се постави и нов училишен мебел. Во информацијата објавена на веб-страницата на Општината е наведено дека:

Амбасадата на Сојузна Република Германија во Скопје донираше околу 5.700 евра за реконструкција на училниците, а со средства од општината во висина од околу 11.870 евра, се изврши промена на прозорците.

На 14 април 2016 година медиумите информираа  дека заврши и реконструкцијата на централното основното училиште „Круме Кепески“ . Со реновирањето се заменети  прозорците и покривот, а изведена е и нова фасадна топлинска изолација. Проектот чини 11,3 милиони денари, а средствата се обезбедени од Општината, од Цементарница Усје АД Скопје и од УНДП. Градоначалничката на Општина Кисела Вода, постојаниот претставник на на Програмата за развој на Обединетите нации и генералниот извршен директор на Цементарница УСЈЕ АД Скопје, го посетија училиштето и ја означија финализацијата на проектот за енергетска обнова на ООУ “Круме Кепески”. Беличанец – Алексиќ тогаш изјави:

Проектот го поделивме во три дела. Во реконструкција на покривот и изолацијата учествуваше УНДП, а во промената на фасадата Цементарица Усје. Општината Кисела Вода, со сопствени средства, од буџетот ја направи промената на прозорците (Беличанец-Алексиќ) 

Во објавата на веб-страницата на Општината пренесена е изјава на на Беличанец-Алексиќ, во која таа , меѓу другото,  вели дека најкритична била состојбата со покривот со азбестни плочи.

Веднаш штом станав градоначалник го нарачавме проектот затоа што констатиравме дека е од огромно значење… Кога воочивме дека објектот е во незавидна состојба, проценивме дека итно треба да преземеме мерки за негова реконструкција. Она што беше најкритично беше кровот. Сè уште постоеја азбестните плочи, дел од нив беа поприлично оштетени и честопати се случуваше при поројни дождови училиштето да прокиснува. И внатре во самиот објект, посебно во зимските услови се чувствуваше влага. (Беличанец-Алексиќ) 

За ова училиште на  сајтот на Општината пишува дека е

Основано на 14.08.1962 година како ОУ”13 Ноември”, а од 30.08.1993 година работи под името ОУ”Круме Кепески”.
Во состав на училиштето е и подрачното училиште во населбата Припор кое е изградено во 1982 година и кое опфаќа ученици од прво до четврто одделение. И двата објекти во кои се изведува настава се од тврда градба… Настава посетуваат 708 ученици , а бројот на паралелки 32.

 

ИЗВОРИ:

 

Оценето од: Оливера Војновска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на текстот е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN