Основците од прво до петто одделение во Кавадарци добија бесплатна ужинка

Од Екипа на Вистиномер 0
Фото: Фејсбук профил на градоначалникот Митко Јанчев

Во кампањата за локалните избори кои се одржаа во октомври 2021 година, градоначалникот на Општина Кавадарци, Митко Јанчев, вети бесплатен оброк за учениците од прво до петто одделение. Ова ветување  на Јанчев  е исполнето, од почетокот на мај основците од прво до петто одделение во  Кавадарци добиваат бесплатна ужинка.

 

Ветување: Бесплатен оброк за сите ученици од прво до петто одделение во Кавадарци

[Извор: Тајм.мк; Нетпрес;  Датум: 28.09.2021]

 

ОБРАЗЛОЖЕНИЕ:

Ова изборно ветување на градоначалникот на Општина Кавадарци, Митко Јанчев, дадено за време на кампањата за локалните избори кои се одржаа во октомври 2021 година, е исполнето. Од почетокот на овој месец основците од прво до петто одделение во  Кавадарци добиваат бесплатна ужинка.

 

Фото: Фејсбук профил на градоначалникот Митко Јанчев

Од кабинетот на Јанчев  деновиве (02.05.2023) информираа дека локалната самоуправа во Кавадарци обезбедила бесплатен оброк за учениците од прво до петто одделение во сите основни училишта.

Ова значи официјално реализирање на ветениот проект ,,Оброк за секое дете”, што беше дел од предизборната програма на градоначалникот Митко Јанчев. Проектот ќе трае до крајот на учебната година и ќе се реализира согласно претходно регулираните законски постапки за заштита на безбедноста и здравјето на учениците, изестија од Општината.

Фото: Фејсбук профил на градоначалникот Митко Јанчев

Информација и фотографии за реализација на проектот „Оброк за секое дете“ на Фејсбук сподели и градоначалникот Јанчев, а веста беше објавена и во дел од медиумите.

 

ИЗВОРИ:

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Слични артикли

Оставете реакција

Јазици MK SQ EN