Сè уште се конспирира за Агенда 21, иако е јавно достапен документ од 1992 г.
Како што пишуваат проверувачите на факти на Фулфект, Агенда 21 не е глобален план за депопулација на човештвото (такво нешто се тврди и во објавата која ја рецензираме). Агенда 21 е документ под капата на ООН на 351 страница, во кој се прецизирани цели за одржлив развој.
Како што пишуваат проверувачите на факти на Фулфект, Агенда 21 не е глобален план за депопулација на човештвото (такво нешто се тврди и во објавата која ја рецензираме). Агенда 21 е документ под капата на ООН на 351 страница во кој се прецизирани цели за одржлив развој
Рецензираме објава на социјалната мрежа Фејсбук во која се вели:
Агенда 21 – како дојде до тоа??? Сенди Адамс зборува на состанокот на Светскиот совет за здравство за потеклото на Агендата 21 и кога е создаден овој лажен наратив на климатски аларми. Станува збор за настан кој се случил во 1992 година и се нарекува Самит на Земјата (World summit), каде се собрала целата таканаречена глобалистичка елита (подобар опис би бил глобалистичко ѓубре) и претставници на 179 земји. Сите големи лица беа таму – неизбежниот еко-одржлив принц Чарлс, големиот филантроп и застапник за човекови права Џорџ Сорос, климатското божество Ал Гор, тогашниот генерален секретар на Обединетите нации (колку шупливо звучи тоа сега) Морис Стронг, од начинот на кој нафтен милијардер работеше за Рокфелерите. Покрај тоа што таму се покажуваше, јадеше добра храна и пиеше добри пијалоци, „елитата“ сфати како ефикасно да го спроведе планот за депопулација напишан и опишан во документот „Границите на растот“ составен од Римскиот клуб во 1972 година. Тоа јасно кажува дека човекот е опасен за планетата Земја и дека населението треба да се „цивилизира“ на една до две милијарди. Дваесет години подоцна, глобалистичките психопати решија да почнат да го спроведуваат, а познатата Агенда 21 беше создадена како документ за спроведување на тој план.Агенда 21 го прогласува човекот за виновен за таканареченото глобално затоплување и оттогаш овој лажен наратив се шири во јавноста. Всушност, сè оди во една насока – целосна контрола и надзор на светската популација, со секако неизбежна контрола на размножувањето. Бил Гејтс и неговата прекрасна поранешна сопруга не пропуштаат во секоја прилика да спомнат колку е исклучително важно жените ширум светот да имаат пристап до контрацепција и абортус. Агендата 21 доби свој наследник во Агендата 2030, која отворено ги уништува нашите животи во последните три години, од воведувањето на „новата нормална“ или новиот светски поредок.
Објавата е, всушност, лош превод од хрватски јазик на транскриптот на тоа што го говорела извесна Сенди Адамс и чие видео интервју е прикачено заедно со објавата, како и линкот до веб сајтот на хрватската група граѓани Слободни Заедно.
Агенда 21, патем, беше една од неколкуте точки на дневниот ред на Конференцијата на Обединетите Нации за животна средина и развој во 1992 година во Рио де Женеиро. Агендата вклучуваше 31 точка. Сите точки се однесуват на глобалните социјални и економски димензии, зачувување и управување со ресурсите, зајакнување на улогата на жените, децата и работниците, како и предложените методи за имплементација. Агенда 21 цели нациите да преземат холистички пристап на социјалните, економските и промените во животната средина и во неа се предложени можни решенија за светските проблеми со фокус на точно определени групи. Но, не е прв пат за овој документ да се шпекулира и да се кројат теории на заговор.
Манипулации околу Агенда 2021
Како што пишуваа во 2020 година и проверувачите на факти на Асошиејтед прес од почетокот, целите на Агенда 21 се мета на теории на заговор, како што се случува и во објавата што ја рецензираме. Тие наведуваат дека се фалсификуваат документите на ООН за да бидат поуверливи теоретичарите на заговор, а истото се случува и сега. Така, на пример, во Агенда 21 воопшто не се наведува дека целта е населението да се намали на конкретна бројка, (депопулација не е никаква мерка или цел во документот), а темата за глобалното затоплување не може да се пронајде во овој документ, наспроти изнесеното во постот кој го рецензираме.
Слично пишуваа и проверувачите на факти на Фулфект, Агенда 21 не е глобален план за депопулација на човештвото (такво нешто се тврди и во објавата која ја рецензираме). Агенда 21 е документ на 351 страница под капата на ООН во кој се прецизирани цели за одржлив развој.
Документот споменува дека има растечка популација во некои места на земјата, но Фул Фект не можеше во него да најде референца за намалувањето на светската популација. Агенда 21 беше злоупотребувана и за дезинформациите што се објавуваа за време на ковид пандемијата, односно за лажно тврдење, дека со овој документ се промовирала задолжителна вакцинација, што, исто така, не е точно.
Климатските промени во Агенда 21 се споменуваат 3 пати, но не во контекст на глобалното затоплување.
Најнапред се споменуваат во точката 17.97 каде се наведува дека има многу несигурности за климатските промени и растот на нивото на морињата, каде притоа се наведува дека и мало зголемување во нивото на водите имаат потенцијал за големи штети на малите острови. Се препорачува стратегиите за одговор да се темелат на докази и статистики. Не се споменува никаков план за депопулација, како што невистинито се сугерира во објавата која ја рецензираме.
Агенда 30 е исто така документ на ООН
Што се однесува, пак, за документот за кој во постот што го рецензираме се тврди дека е наследник на Агенда 21, а тоа е Агенда 30, тој, пак, претставува план за одржлив развој на кој се имаат согласено земјите членки на Обединетите Нации во 2015 година, и вклучува во себе 17 глобални цели кои покриваат работи како намалување на нееднаквоста и спречување на глад во светот.
Целите на Агенда 2030 се да заврши сиромаштијата во сите форми секаде, заедно со искоренување на гладта, да се обезбеди сигурност дека ќе има храна и подобра исхрана и да се промовира одржлива агрикултура, да се овозможи здрав живот и добросостојба кај сите возрасни групи, да се осигура инклузивно и квалитетно образование и можности за доживотно учење за сите, да се постигне еднаквост меѓу половите, да се охрабрат и зајакнат жените и девојчињата, да се обезеди добар менаџмент на водата, да се осигура достапност на евтин, сигурен и модерен систем за енергија, да се промовира економски раст, достоинствена работа за сите, да се изгради отпорна инфраструктура, да се намали нееднаквоста меѓу земјите, да се направат градовите инклузивни, безбедни и одржливи, да се преземат итни дејства за борба против климатските промени и нивните ефекти, да се зачуваат океаните, мориња и марински ресурси за одржлив развој, да се заштитат терестријалните екосистеми, да се менаџираат шумите, да се промовираат мирни и инклузивни општества, да се овозможи правда за сите, да се изградат инклузивни институции на сите нивоа.
И за оваа Агенда 30 многу се манипулираше од теоретичарите на заговор, а проверувачите на факти на Ројтерс пишуваа дека невистинито е презентирана и дека ја поврзуваат со ковид 19.
Агенда 2030 е амбициозна иницијатива на ОН од 2015 година за да се решат најголемите човечки кризи до 2030 година и целиот документ може да се прочита на овој линк. Но и во Агендата 2030 не се споменуваат никакви планови или акции за намалување на популацијата.
Поради сите горенаведени факти, постот кој го рецензираме го оценуваме како невистинит. Впрочем, теоријата на заговор дека мала група на луѓе имаат план да ја намалат популацијата на планетата повеќе пати била предмет на нашите рецензии.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
