Иванов залутан меѓу перцепцијата и реалноста: Бројки, надлежности, активности и очекувања
Претседателот Ѓорге Иванов повторно се најде во центарот на вниманието по вчерашното интервју на телевизијата „Телма“. Социјалните мрежи експлодираа, апострофирајќи му ги гафовите и споредувајќи ги со тие од минатото.
Сепак, тоа ја отвори и дилемата какви ингеренции, обврски, а секако, и должности има претседателот на државата во Макеоднија.
Бројки и надлежности:
За институцијата Претседател на РМ оваа година од буџетот на државата одвоено е повеќе од милион евра, односно1.154.308 евра.
Според Уставот, пак, надлежностите на претседателот се:
- Го доделува мандатот за состав на Владата на Република Македонија;
- Ги поставува и ги отповикува со указ амбасадорите и пратениците на Република Македонија во странство;
- Ги прима акредитивните и отповиковните писма на странските дипломатски претставници;
- Предлага двајца судии на Уставниот суд на Република Македонија;
- Предлага двајца членови на Републичкиот судски совет;
- Именува тројца членови на Советот за безбедност на Република Македонија;
- Ги предлага членовите на Советот за меѓунационални односи;
- Именува и разрешува и други носители на државни и на јавни функции утврдени со Уставот и со закон;
- Доделува одликувања и признанија во согласност со закон;
- Дава помилување во согласност со закон и врши други функции утврдени со Уставот.
Активности:
Ова се само дел од последните активности на Претседателот кои се објавени на неговата интернет-страница:
- Средби со австрискиот претседател Фишер и со српскиот претседател Николиќ;
- Средба со г. Ерик Фурниер, Директор за Континентална Европа при Министерството за надоврешни работи на Француската Република;
- Иванов: Договорот за новата ера лежи во градењето доверба и безбедност во регионот (на „Самит 100“ во Порторож);
- Средба со г. Ивица Дачиќ, потпретседател на Владата и министер за надворешни работи на Србија;
- Средба со Даниел Митов, министер за надворешни работи на Република Бугарија;
- Честитка до г. Владимир Путин, Претседател на Руската Федерација, по повод Националниот празник на Руската Федерација;
- Обраќање по повод доделувањето на Повелбата на Република Македонија за Македонскиот театарски фестивал „Војдан Чернодрински“;
- Обраќање на Свечената академија „20 години Воена академија“;
- Обраќање на Свечената академија посветена на Јосип Јурај Штросмаер;
- Обраќање по седницата на Советот за безбедност.
Што очекуваат граѓаните:
Иако, како што и самиот вели, има многу малку ингеренции, сепак граѓаните од претседателот очекуваат многу повеќе од она што тој во моментот го прави.
- Да ги застапува нивните интереси;
- Да биде коректив на партијата која е на власт;
- Да посредува при кризи.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар