Смртта на доктор Фулер не е поврзана со нејзиниот позитивен став кон ковид вакцините
Во постот што го рецензираме се пропушта контекстот и се наведува јавноста да поверува дека вакцината против ковид-19 или наклонетиот став кој доктор Фулер го имала кон вакцината, на некој начин е поврзан со нејзината смрт. Тоа не е точно. Според Медицинскиот факултет на Универзитетот Мичиген, каде што работела, таа починала на 18 ноември 2022 година на возраст од 67 години од болест неповрзана со ковид-19. Нејзините колеги се непријатно изненадени од начинот на којшто смртта на доктор Фулер е злоупотребена од теоретичарите на заговор
Во постот што го рецензираме се пропушта контекстот и се наведува јавноста да поверува дека вакцината против ковид-19 или наклонетиот став кој доктор Фулер го имала кон вакцината, на некој начин е поврзан со нејзината смрт. Тоа не е точно. Според Медицинскиот факултет на Универзитетот Мичиген, каде што работела, таа починала на 18 ноември 2022 година на возраст од 67 години од болест неповрзана со ковид-19. Нејзините колеги се непријатно изненадени од начинот на којшто смртта на доктор Фулер е злоупотребена од теоретичарите на заговор
Рецензираме пост објавен на социјалната мрежа Фејсбук во кој се вели:
ГЛАСАЛА ЗА ИТНА УПОТРЕБА..БОГ ДА ЈА ПРОСТИ…АМИИИНРЕЧЕ: “Многу, многу, многу, многу се безбедни, дури побезбедни од сите други в@кс“-Др. Оведа Фулер, светски познат вирУсолОг на ФДА, „НЕНАДЕЈНО ПОЧИНА“ откако го притисна копчето за итна употреба на в@кс.„Непозната болест“?Се чини дека стана прилично вообичаена работа.
Но, нема никакви докази дека смртта на доктор Фулер е поврзана со вакцината, а уште помалку со нејзините медицински професионални улоги во нејзината промоција и објаснувањето кое во повеќе наврати го давала дека вакцината е безбедна. Дополнително, смртта на докторката не претставува никаков доказ дека вакцините против ковид-19 се небезбедни. Со испуштање на фактите дека станува збор за смрт предизвикана од друга медицинска состојба која траела кратко, без никакви аргументи и докази, во постот се инсинуира дека вакцините против ковид-19 и смртта на докторката се поврзани!
И проверувачите на факти на Политифакт, веќе го имаат констатирано истото:
Доктор Овета Фулер која беше во комитетот на ФДА за вакцини и биолошки продукти, одигра клучна улога во одобрувањето на вакцината против ковид-19 за итна употреба. Таа почина на 18 ноември 2022 година на возраст од 67 години од болест неповрзана со ковид-19, според Медицинскиот факултет на Универзитетот Мичиген, каде што работеше. Нема докази дека смртта на Фулер е поврзана со вакцините против ковид-19.
Нејзините колеги се непријатно изненадени од начинот на кој што смртта на доктор Фулер е злоупотребена од теоретичарите на заговор.
За нотирање е дека антивакциналните кругови на социјалните мрежи продолжуваат да манипулираат и погрешно да ја наведуваат јавноста за постоење на таканаречени ,,ненадејни смртни случаи” (sudden deaths) и во оваа категорија го ставаат секој смртен случај кој им оди во прилог на девалвација и дискредитација на лица кои ја промовирале, или пак, ја примиле вакцината.
Повеќе студии и научни рецензии не пронајдоа поврзаност меѓу вакцинацијата и смртта кај луѓе на било која возраст, освен во ретки случаи.
Политифакт додава дека деталите за смртта на Фулер сè уште не се достапни и дека обдукција не е извршена.
Поради сите горенаведени факти,сметаме дека во постот што го рецензираме се пропушта контекстот и се наведува јавноста да поверува дека вакцината против ковид-19 или наклонетиот став кој доктор Фулер го имала кон вакцината, на некој начин е поврзан со нејзината смрт. Тоа не е точно, бидејќи причините за смртта не се поврзани со ковид или вакцината, туку станува збор за кратко боледување по што докторката, која имала 67 години, починала.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар