Старата чаршија во Скопје беше осветлена на време

„Во рок од 90 денови, Старата скопска чаршија целосно ќе се осветли“. (Изет Меџити) Ова го имаше навестено на 12.03.2012, градоначалникот на општина Чаир, Изет Меџити, по повод почнувањето на градежните работи за реконструкција на осветлувањето во Старата скопска чаршија.

ОБРАЗЛОЖЕНИЕ:

„Осветлување на Старата чаршија во Скопје“ е заеднички проект на Градот Скопје и општината Чаир кој што имаше за цел зголемување на безбедноста и слободно движење на граѓаните. Беше предвидено проектот да се реализира до крајот на 2012 година. Досега, проектот е реализиран.

„Во рок од 90 денови, Старата скопска чаршија целосно ќе се осветли“. (Изет Меџити)

Ова го имаше навестено на 12.03.2012, градоначалникот на општина Чаир, Изет Меџити, по повод почнувањето на градежните работи за реконструкција на осветлувањето во Старата скопска чаршија.

„Заедничкиот проект на Градот Скопје и општината Чаир, значително ќе придонесе за слободното движење на граѓаните, за зголемување на безбедноста во чаршијата, и значително ќе придонесе чаршијата да биде попосетена и во ноќните часови, и сето ова во функција на ревитализација и преродба на Старата Чаршија“. (Извор: Илпрес)

Во Чаршијата требаше да се постават 250 канделабри, со околу 427 светилки поставени на нив.

На 25 август 2012 година, градоначалникот на општина Чаир, Изет Меџити, го промовираше завршувањето на проектот, т.е. новото улично осветлување во Старата чаршија.

„Чаршијата и понатаму ќе остане приоритет во агендата на општината која што ја водам. Чаршијата е целосно осветлена, а тоа што ни преостанува за во иднина е заедно да понудиме содржини за да ги задржиме луѓето во Старата чаршија“. (Извор: Изет Меџити)

Според методологијата на Вистиномер, можеме да заклучиме дека проектот „Осветлување на Старата чаршија во Скопје“ е реализиран.

Извори:

• Политичка платформа на Демократската Унија за Интеграција
• |12.03.2012| Старата чаршија ќе се осветли целосно – (Порталот time.al, превземено на 05.10.2016);
• |12.03.2012| Градоначалникот на општина Чаир, Изет Меџити и градоначалникот на Градот Скопје, Коце Трајановски, најавуваат осветлување на Старата скопска чаршија (IDIVIDI.com.mk, превземено на 05.10.2016);
• |25.08.2012| Осветлена Старата чаршија (Официјална веб-страна на општина Чаир, превземено на 05.10.2016)

Оцени: Рабие Абази

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар