Не е воведена можноста за предвремено пензионирање

Од Оливера Војновска 0
Фото: Принтскрин

Ќе воведеме можност за предвремено пензионирање до максимум 5 години пред остварувањето на правото на пензија, со пропорционално намалување на надоместокот за пензија.

[Извор: Изборна програма на СДСМ, (2016), „План за живот во Македонија“ (стр.215);]

ОБРАЗЛОЖЕНИЕ:

Ветувањето на  СДСМ дадено за предвремените парламентарни избори (декември 2016 г.) дека во привите шест месеци од мандатот ќе се  воведе можноста  „за предвремено пензионирање до максимум 5 години пред остварувањето на правото на пензија…“, е неисполнето.

Ова изборно ветување на социјалдемократите  е посочено во нивната изборна програма: „План за живот во Македонија“ , во поглавјето „ПЛАНОТ 180 – ИТНИ РЕФОРМСКИ ПРИОРИТЕТИ НА НОВАТА ВЛАДА ВО ПРВИТЕ 6 МЕСЕЦИ“ –  (Социјална политика стр.215). Што значи според изборните проекции опцијата за предвременото пензионирање требаше да се воведе најдоцна до крајот на ноември 2017 година, со оглед на тоа што новата Влада предводена од СДСМ беше избрана на 31 мај 2017 година. Сепак, наспроти ваквите планови, досега (12.02.2018) тоа не се случи, а нема ниту најави дека оваа мерка ќе се спроведе.

Сугестиите од Меѓународниот монетарен фонд (ММФ), пак,  се старосната граница за заминување во пензија да се зголеми. Во Извештајот на ММФ од ноември 2017 година (стр.14) се забележува дека старосната граница за пензионирање во Македонија е пониска отколку што е во земјите во регионот  и  се препорачува  таа граница да се помести колку што е просекот во Европската Унија, како и да се намалат опциите за предвремено прензионирање.

Деновиве (09.02.2018) беше презентирана  и анализа на  Институтот за економски истражувања Finance Think, според која, потребни се итни реформи на пензискиот Фонд бидејќи системот  е неодржлив, а финансиската дупка од година в година се продлабочува. Експертите сметаат дека треба постепено да се зголеми старосната граница, но и да се плаќаат повисоки придонеси во Фондот за пензиско:

Промените се постепени и имаат можност да се прилагодат на економијата. Тоа значи дека по пет години, економијата ќе ни биде на највисоко ниво и невработеноста на пониско ниво. Поместување на границата по 5 години за 1 година ќе бидеп полесно да се издржи, отколку да границата да се промени. Дополнително, по 10 години и животните век расте и ќе биде  сосема очекувано тоа да се случи. Ваков тип на реформа се случува долг временски рок и тоа е недостаток и ќе биде потребен консензус од сите засегнати страни.“-   „Фајнанс тинк“.

 

ИЗВОРИ:

 

Оцени: Оливера Војновска

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN