Неисполнето: Нема „безбедно минување на улиците“ за учениците во Центар

Обезбедување на персонал за безбедно преминување на учениците и нивните родители во соодветните термини пред почетокот и по завршетокот на наставата, на сообраќајниците во непосредна близина на градинките и основните училишта

ОБРАЗЛОЖЕНИЕ:

Ова е неисполнето ветување на градоначалникот на Општина Центар, Андреј Жерновски,  наведено во неговата Изборна програма   Време е (стр.9), со која тој настапи на локалните избори 2013 година.

При пребарувањето низ интернет, не може да се најде ниту еден запис дека вакво нешто е реализирано.

За да провериме дали ова ветување е исполнето, разговаравме  со наставници и родители од на деца кои учат во основното училиште „11 Октомври“ во Општина Центар. Ова училиште, инаку,  излегува на четири улици (булеварите „Трета македонска бригада“ и „Крушевска Република, како и улиците „Никола Карев“ и „Чичо Поповиќ“).

Татјана Србиновска, родител во ова училиште ни изјави:

Училиштето е во најпрометниот дел од Скопје, од секоја страна има улици. Ние, родителите ги носиме децата на училиште, посебно помалите затоа што од каде и да дојдат има улици. Засега нема некој што обезбедува за безбедно да се премине улицата, вели таа.

Истото го потврдуваат и наставниците во училиштетето.

За ова ветување разговаравме и со дел од родителите во „Јохан Хајнрих Песталоци“. И тие тврдат дека не чуле за вакво нешто.

Побаравме одговор и од Општина Центар за тоа дали во иднина се предвидени вакви мерки, но  и по три дена чекање не добивме одговор .

Со оглед на сето ова,  може да се каже  дека, досега (04.03.2016), ова изборно ветување на Жерновски  не е исполнето.

ЛИНКОВИ:

• Изборна програма на градоначалникот на Општина Центар, Андреј Жерновски Време е (стр.9) [Пристапено на 04.03.2016]

Оценето од: Владе Ѓорчев

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар