Пендаровски беше и во посета, но и го посетија светски лидери

Од Матеј Тројачанец On Apr 8, 2024 0

Стево Пендаровски, во рамки на учеството на самиот Украина – Југоисточна Европа, денеска во Тирана оствари средба со претседателот на Украина, Володимир Зеленски Фото: pretsedatel.mk

Генералниот секретар на ВМРО-ДПМНЕ, д-р. Ѓорѓија Сајкоски, пред вчерашниот партиски митинг изјави дека Стево Пендаровски во својата функција како претседател не бил на официјални гостувања, ниту пак примил светски државници со што ги покажува „својот капацитет и безличноста“. Со оглед дека информациите на претседателот се редовно документирани и јавно достапни, лесно може да се утврди дека ова е далеку од вистината

Генералниот секретар на ВМРО-ДПМНЕ, д-р. Ѓорѓија Сајкоски, пред вчерашниот партиски митинг изјави дека Стево Пендаровски во својата функција како претседател не бил на официјални гостувања, ниту пак, примил светски државници со што ги покажува „својот капацитет и безличноста“. Со оглед дека информациите на претседателот се редовно документирани и јавно достапни, лесно може да се утврди дека ова е далеку од вистината

Пред вчерашниот митинг на опозициската ВМРО-ДПМНЕ се одржа едночасовна дискусија каде пратеници и членови од партијата со пофални зборови говореа само за својата кандидатка за претседател на државата, Гордана Силјановска Давкова, а упатија низа критики за нејзините противкандидати. Во таа насока, во своето излагање генералниот секретар на ДПМНЕ, д-р. Ѓорѓија Сајкоски, го изјави следното:

[…] Вие сте сведоци дека откога поминаа 5 години откога имаме претседател којшто не учествуваше во подготвување на меѓународни договори, претседател којшто не ги креираше меѓународните договори, претседател којшто изминативе години не посети ниту една држава надвор од Македонија за да покаже дека сака Македонија да ја приближи кон оние партнерски држави, затоа што устата му е полна со Европска Унија, а не посети ниту една земја од Европсакта Унија. Но, поразително е и тоа што претседателот на државата изминативе години не беше посетен од ниту еден светски државник. Тоа покажува за капацитетот на претседателот и покажува за безличноста.

[Извор: ЈуТуб каналот на ВМРО-ДПМНЕ , д-р. Ѓорѓија Сајкоски, датум: 04.04.2024]

ОБРАЗЛОЖЕНИЕ:

Со официјалниот почеток на изборните кампањи почна поставување на реклами билборди, емитување на разни интернет, телевизиски и радиоканали, а тргнаа и политичките митинзи. Таков беше минатонеделниот партиски собир на опозициската ВМРО-ДПМНЕ што се одржа пред Владата. Пред официјалниот почеток на митингот, партијата одржа едночасовна дискусија со пратеници и членови, меѓу кои беа потпретседателите на партијата Александар Николовски и Владо Мисајловски, генералниот секретар д-р. Ѓорѓија Сајкоски, како и Дафина Стојаноска и Драган Ковачки.

Во говорите на учесниците на оваа дискусија имаа како пофални зборови за својата кандидатка, Гордана Силјановски Давкова, така и критики за главниот противкандидат, претседателот Стево Пендаровски. Попрецизно, генералниот секретар Сајковски специфично изјави дека Пендаровски дека не само што не бил во друга држава во официјална посета за да „ја приближи кон оние партнерски држави“, туку ниту бил посетен од светски државници, небаре се изолирал од обврските во Вила Водно.

Од сите други изјави на своите соговорници, оваа негова изјава е најочигледно неточна. Според јавно достапните информации на претседателскиот кабинет, доколку ги вброиме посетите и примањата на гости само од претходните 365 дена, значи 5 април 2023 година, можеме да видиме дека претседателот имал 35 средби со државници и други еминентни политичари, функционери итн. Поточно, 21 средба била остварени во републиката – дали во Вила Водно или на друго место – а има четиринаесет индивидуални средби со други лица. Од официјални посети, може да се издвојат посетата на Њујорк за време на 78. Генерално собрание на Обединетите нации, официјалната посета на Белгија и Чешка, учествувањето на Светскиот економски форум во Давос, како и регионалните посети на Приштина и Тирана.

Прво, на следнава листа ќе ги издвоиме лицата кои претседателот ги примил:

Понатаму, листата на лица со кои претседателот се има сретнато во неговите официјални посети и учествување на светски настани:

Настрана што ова е само еден извадок од една година од која се црпи овој примерок, сосема е можно претседателот да бил на гости или примил гости кои не биле во официјална посета или за истото да не било јавно објавено. Но, не може да се негира фактот што централни фигури за иднината на нашата држава како претседателката на ЕК, Фон дер Лејен, генералниот секретар на НАТО Столтенберг и германскиот канцелар Шолц имале средба со Пендаровски во една или друга средина.

Според горенаведените објави, може да се оцени како невистина изјавата на генералниот секретар Сајкоски дека актуелниот претседател Пендаровски ниту бил во посета, ни примил „на свој терен“ светски државници.

ИЗВОРИ:

(04.04.2024) – ЈуТуб каналот на ВМРО-ДПМНЕ – д-р. Ѓорѓија Сајкоски [проверено: 05.05.2024]
(X) – Сајт на претседателскиот кабинет – [проверено: 05.05.2024]

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар