ВМРО-ДПМНЕ: Интернет – портал: Наука.мк
Промоцијата на достигнувањата од научно-истражувачката работа е зајакната и со воспоставување на Интернет-порталот nauka.mk, на кој, во соработка со истражувачите од високообразовните и научните установи се презентираат резултатите од научно-истражувачката работа, кои ќе бидат достапни на домашната и на меѓународната научна јавност, но и на пошироката јавност. На порталот ќе бидат организирани активности што ќе ја поттикнуваат научната расправа како една од значајните алатки за евалуација на научно-истражувачката дејност, одбраната на резултатите од истражувањата и генерирањето идеи за нови научни истражувања. На јавниот и на приватниот сектор, како и на пошироката јавност, ќе им биде овозможен увид во научните достигнувања.
Буџет: 1.000.000 денари Носител: Министерство за образование и наука во соработка со јавните научни и високообразовни установи [ Рок: декември 2014 година]
Образложение:
Овoј проект е предвиден во Изборната програма на ВМРО-ДПМНЕ за периодот (2014 – 2018). Со пребарување на интернет не може да се најде ниту еден податок дека започнале некакви активности за реализација на овој проект. А кога ќе се впише веб-адресата наведена во Изборната програма: nauka.mk, се добива одговор: This webpage is not available.
Според тоа, може да се заклучи дека ова ветување не е исполнето.
Линкови:
- Извор: Проверено – Изборна програма на ВМРО-ДПМНЕ (2014 – 2018), (Наука, стр. 281) [Пристапено на: 11.12.2015]
- http://vmro-dpmne.org.mk/wp-content/uploads/documents/VMRO%20programa%202014-2018%20v2a.pdf
Оценето од: Владо Ѓорчев
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар