Морбидно монтирано видео лажно сугерира дека на починати од Ковид-19 им се вадат органите

Од Екипа на Вистиномер On Dec 16, 2020 0

Во пост, кој вклучува и скандалозно видео на италијански јазик, на кое се гледаат простории полни со кукли со човечки ликови, лажно, манипулативно и комплетно невистинито се тврди дека починатите од Ковид-19 не умираат од оваа болест, туку дека се убивани со умисла, за да им бидат извадени органите. Ова тврдење е апсолутна невистина. Видеото е траорно, прекриено со глас на италијански јазик, кој репетитивно извикува дека ова е ,,трговија со органи”, а заслужува да биде рецензирано затоа што се споделува од страна на корисници на Фејсбук кои го коментираат на македонски јазик. Исто така, сосема е за очекување дека корисниците на социјалните мрежи во Македонија можат да добијат генерална идеја за што станува збор во видеото, иако е на италијански јазик.

Според некои италијански извори, видеото за првпат е објавено на втори декември годинава.

Како што веќе утврдиле проверувачи на факти од Италија, сликите прикажани во ова видео воопшто не се за трговија со органи. Средината, која што е снимена на видеото, не кореспондира ниту со минималните стандарди својствени за процедурите на експлантација. Исто така, оваа видео снимка воопшто не демонстрира дека пациентите со Ковид-19 се убивани за да се дојде до нивните органи.

Според италијанските проверувачи на факти, некои делови од видеото се фиктивни, извадени од видеоигра или од нискоквалитетен филм. Видеото се состои од два дела, првиот човечки тела обесени како да се месо во ладна соба и вториот дел од видеото структура слична на мртовечница каде неколку тела се натрупани без почит и уште крварејќи.

Истото видео е користено во минатото, во конверзации за човечко клонирање или тела донирани на медицинските училишта за идните лекари да ги изведуваат нивните вежби.

Да се отстрани орган е комплексна операција која дефинитивно не може да се изведе во операциона сала во визба. Клиниките во кои што се изведуваат легални трансплантации, не би го компромитирале својот легален бизнис со криумчарење тела или киднапирање мажи жени или деца.

Во лажното видео што го рецензираме, се тврди дека лекар се приближува до телото со ќеса во која ќе ги собере органите од починатиот. Всушност, фактички е неможно да се отстрани орган на ваков начин од повеќе причини. Ваков нехигиенски начин на земање на органите, дури и кога би бил вистинит, би ги направил органите неупотребливи за реципиентот, органите треба да се извадат од донор кој е уште жив, односно кај кого е настапена мозочна смрт, но на вештачки начин е одржуван во живот за да се задржат органите. Исто така, треба да се исполнат условите на компатибилност со примателот, да се утврди дека нема патогени или други здравствени проблеми, да се извршат еден куп тестови меѓу кои и оној за ХИВ.

Освен овие поенти, во игра е и факторот време. Трансферот од телото на донорот до она на реципиентот се менува зависно од тоа кој орган треба да се трансплантира. За срце, односно миокард, времето е четири часа, за бели дробови, помалку од 6 часа, за црн дроб не повеќе од 12 часа, а за бубрег 36 часа. Освен тоа не секој починат човек е донор на органи, односно не е компатибилен за ова.

Видеото претставува лоша монтажа со лажна нарација, презентира комплетна невистина која медицински е невозможна.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар