„Филипс“ нема летна распродажба на тримери за 61 денар

Од Екипа на Вистиномер On Jul 17, 2023 0

Лажна Фејсбук страница на социјалната мрежа Фејсбук го злоупотребува логото на „Филипс“, со цел да се промовира на што повеќе корисници на социјалната мрежа и да ги извлече нивните лични податоци, за потоа истите да ги искористи за некаква измама

Лажна Фејсбук страница на социјалната мрежа Фејсбук го злоупотребува логото на „Филипс“, со цел да се промовира на што повеќе корисници на социјалната мрежа и да ги извлече нивните лични податоци, за потоа истите да ги искористи за некаква измама

Објава на Фејсбук го споделува следното:

💥Неверојатна понуда! 😮 Тример Philips Norelco само за 61 MKD! 😍😱 Приказна за паметење: Залезете во драстични намалувања на галактичкиот фестивал на тримери! 🚀🎉Притиснете “Нарачајте сега” под фотографијата! 💯🔥

Во склоп на постот објавена е фотографија од спакувана кутија со тример, заедно со обележаната цена. Во описот на постот се наведува попустот и има инструкции за тоа како да се купи.

Ова се споделува од Фејсбук страница „Летна Распродажба“, а под објавата има пофални коментари за производот од личности кои имаат слаба активност на платформата. Во некои од нив, на пример, пишува:

Тримерот вистински е сјајен, долго време барам нешто точно такво. Батеријата трае долго, идат и различни прилоги. Определено ќе го препорачам на сите. Сепак, мислам дека оваа понуда нема да трае долго.

Го порачав за мојот сопруг, беше испорачан во рок од 3 дена и испораката беше бесплатна! Мојот сопруг е многу задоволен, го користи веќе 3 дена и вели дека никогаш претходно не користел нешто толку добро!

Супер можност! Им се порачаа 2 парчиња за мене и мојот брат. Овој квалитетен тример се справува со својата задача на 100%. Испораката траеше само 4 дена.

Самата страница содржи само еден пост и во моментот на пишувањето на овој текст е лајкната од 8 и заследена од 9 профили. Всушност, станува збор за лажна промоција во којашто името и логото на овој бренд се злоупотребени со цел да се извлечат што е можно повеќе податоци од корисниците на социјалната мрежа.

Тоа што може да се забележи кога ќе се кликне „копчето“ за нарачка е дека страницата се маскира како да е познатата американска онлајн продавница Amazon.com, но има URL – megalized.com. Цената на тримерот на оваа страница е 123 денари.

Но, интернет страницата Амазон – amazon.com, нема никаква конекција со ова URL – megalized.com

Исто така, на вистинската Фејсбук страница на Philips , која во моментот на пишување на овој текст е лајкната од 11 милиони луѓе, нема никаква промоција на тример за 61 денар.

Поради сите горенаведени факти, постот што го рецензираме го оценуваме како невистинит.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар