Приказната за дедото од 101 година кому нема кој да му го честита роденденот е невистина

 

Во пост на Фејсбук се вели дека дедо Душан полни 101 година, но нема кој да му го честита, бидејќи е сам, нема никого.

Па затоа ги повикува луѓето, ако сакаат, да му го честитаат роденденот:

Се викам Душан. Полнам 101 година денес.
Никој не ми честита бидејќи немам никој повеќе.. Сам сум.
Ако сакате…вие можете да ми честитате….👍

Под постот се нижат честитки за роденденот на дедо Душан и желби за добро здравје и да прослави уште многу родендени, во стилот на кај нас одомаќинетата честитка да живееш до 101 година и назад.

Меѓутоа, на 18 октомври 2020 година портал објави авторски текст со вистинскиот дедо од фотографијата објавена на постот на Фејзбук, кој слави 101 година. Се вика Душан Тасевски, и е добро познат и драг лик на редакцијата, што порталот посебно го истакнува во текстот.

Фото: 365.com.mk

Порталот накратко ја раскажува и неговата животна приказна: роден во Штип, во времето Првата светска војна, цел живот живеел во Скопје, учествувал во Втората светска војна, по професија авиомеханичар, како голем љубител на авионите, но и на книгите и на убавите жени…

Текстот го истакнува дедо Драган како пример на човек со позитивна мисла и светол дух, со пораката:

Бидете како дедо Драган – сакајте го животот, ќе ве сака и тој вас.

Но, најбитно за оваа рецензија е податокот што е наведен во текстот:

Во меѓувреме, дедо Драган чека неговата правнука да порасне уште некоја годинка, па да почне да ја чува и да ја учи на сè она што тој го научил во овие сто и една (година).

Постот на Фејсбук лаже дека дедо Драган (а не Душан) е сам и дека нема никого да му го честита 101-от роденден. Постот има функција само да собира лајкови и коментари.

 

 

 

 

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Оставете реакција