ВМРО-ДПМНЕ: Изградба на регионален пат од Кичево до Дебар преку Извор
Со изградбата и со реконструкцијата на регионалниот пат од Бошков Мост до Извор, кој е во должина од околу 30 км, ќе се овозможи ново поврзување на Дебар и Кичево, со што ќе се скрати должината од 117 км на 53 км. Ќе се подобри и ќе се олесни комуникацијата на голем број населени места од западна Македонија Душогубица, Кленоец, Иваништа, Ехловец, Превој Јама, Гари, Лазарополе, Осој, Тресонче, Селце,Росоки,Сушица и Могорче со Централна Македонија, Македонски Брод, кон Крушево, но и кон Охрид и Струга. Изработката на проектната документација е во тек. Патот опфаќа две коловозни ленти со ширина од по 3 м. Вредноста на проектот се проценува на 20 милиони евра. Средствата се планира да бидат обезбедени со заем од меѓународните финансиски институции и национално кофинансирање од Буџетот на Република Македонија. [Рок: изградба 2012 – 2015 година]
Образложение:
Во 2013 година завршено е со рехабилитација на делницата Бошков мост–Гарски мост со должина од 8,2 км, инвестицијата е вредна 88,2 милиони денари. Според податоците достапни во Отчетот на Владата на Р. Македонија, вредноста на проектот се проценува на 20 милиони евра, а неговата реализација се очекува до 2017 година. За финансирање на овој проект, поднесена е апликација до Светската банка.
Забелешка*: Како краен рок за исполнување на ветувањето е земен април 2014 година, бидејќи тој месец истекува мандатот на владата.
Линкови:
- Со 1,4 милиони евра ќе се рехабилитира патот кон Бошков мост
- 149 километри од патиштата ги возиме по нов асфалт
- Отчет за сработеното на Владата на РМ предводена од ВМРО-ДПМНЕ и коалиционите партнери (страна 63)
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар