ВМРО-ДПМНЕ: КОМА-центар

Ќе основаме КОМА-центар, во кој ќе бидат комбинирани услуги и соодветен современ третман и нега за пациенти кои подолг временски период се наоѓаат во кома и на долголежечки пациенти, кои поради природата на болеста се принудени подолг временски период да бидат сместени во болница под постојан лекарски надзор. Носител: Министерството за здравство. [Рок: Декември 2013 година]

Образложение:

Основањето на Кома центарот е проект кој Министерството за здравство заедно со владата го ветуваат уште од 2007 година. Прв за реализација на овој проект зборуваше поранешниот Министер за здравство, Имер Селмани во 2007 година. Две години подоцна, исто така сега поранешниот Министер за здравство Бујар Османи, изјави дека голем дел од потребните апарати се веќе однесени во новоформираниот Кома центар кој се наоѓа во склоп на Геронтолошкиот завод во скопската населба Ѓорче Пет¬ров.

Реализацијата на проектот не беше завршена ниту до 2011 година, кога ова ветување повторно се најде во предизборната програма. Рокот за отворање на Кома центарот е до крајот на 2013 година, но реализацијата на истиот сè уште не е завршена, а Министерот за здравство нема излезено со информации за реализацијата на истиот.

Дополнително на страницата на Геронтолошкиот завод, во делот на Организационата структура на заводот, никаде не пишува дека во рамки на истиот постои ваков национален Кома центар, а во информациите кои ги добивме до клиничкиот центар, се наведува дека кома центарот не е отворен и дека пациентите кои се подолго време во кома сè уште се згрижени во клиничкиот центар.

Линкови:

• Вечер (27.04.2007): Кома центар во Скопје или Охрид [Пристапено на: 27.12.2013]
• Вест (21.04.2011): Конечно се отвора и кома центар [Пристапено на: 27.12.2013]
• ЈЗУ Геронтолошки завод „13 Ноември“ Скопје [Пристапено на: 27.12.2013]
• Влада на РМ (18.03.2009): Во Геронтолошки завод „13 Ноември“ отворени реновираниот оддел за физикална терапија и нова лабораторија [Пристапено на: 27.12.2013]

Оценето од: Наталија Пешиќ

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар