Во 2008 година ќе ја започнеме надградбата на водоснабдителниот систем во с. Вапила, Охридско и ќе го започнеме Проектот за водоснабдување на населбата Сончев брег во Тетово;
Ќе спроведеме санациски мерки на водоснабдителната мрежа во с. Долно Лакочереј, Охридско и ќе го довршиме водоснабдителниот систем во с. Мороишта, Струшко. Рок: почеток на активностите 2008;
Ќе продолжиме со подигнување и одржување на одбранбената способност за да може Македонската армија да ја изврши својата уставна задача - одбрана на македонската државна територија, заштита на сувереноста и независноста.
Секретаријатот за спроведување на Рамковниот Договор ќе има поголеми овластувања за да ги санционира министерствата, агенциите и другите управни органи во случаите кога тие не ја спроведуваат уставната одредба за правична застапеност.
Девизните резерви и натаму ќе се зголемуваат како резултат на порастот на извозот и приливите од странски директни и портфолио-инвестиции, што ќе овозможи непречено да се одржува стабилноста на девизниот курс на денарот.